Chester Williams oorlede

Chester Williams. Foto: Facebook

Die Springboklegende Chester Williams is Vrydag in die ouderdom van 49 oorlede.

Williams is volgens berigte vermoedelik aan ʼn hartaanval oorlede. Hy het verlede maand 49 geword.

Williams was lid van die Springbokspan wat in 1995 die Wêreldbeker-toernooi gewen het. Die Springbokvleuel het die Springbokke in 27 wedstryde verteenwoordig en 14 drieë gedruk. Hy het ook vir die Blitsbokke gespeel.

Williams was ten tyde van sy dood die hoofafrigter van die Universiteit van Wes-Kaapland (UWK) se rugbyspan. Dié span het in 2017 die Varsityskild-trofee verower.

Williams was ook ʼn gesogte motiveringspreker. Hy het verlede maand sy eie bier bekend gestel. Chester’s Lager en Chesters IPA is in Stellenbosch bekend gestel en sal tydens die Wêreldbeker-toernooi in Japan verkoop word.

Williams word oorleef deur sy vrou, Maria, en sy kinders. Die egpaar is in 2002 getroud.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
Ken

Totsiens aan ‘n legende…. Dankie vir die memories, Chessie!!

Hannatjie

RIV Chester. Sterkte Maria en kinders!

Antoon

Hartseer, ‘n ware gentleman en rolmodel :-(

Sandra

Ai nog in die fleur van sy lewe. Sterkte aan sy gesin en familie.

Coco

Rus in vrede jy was n yster op die rugbyveld