Chinese maatskappye belê R116 miljard in SA

Jackson Mthembu.
(Foto: Sibonelo Ngcobo/African News Agency/ANA)

Die Suid-Afrikaanse regering het Donderdag die toenemende handel- en ekonomiese betrekkinge met die Volksrepubliek China geloof. Minstens 88 Chinese maatskappye het groot beleggings gemaak in die land se ekonomie.

Jackson Mthembu, minister in die presidensie, het tydens ʼn perskonferensie gesê die groeiende handelsverhouding tussen Beijing en Pretoria het daartoe gelei dat Chinese maatskappye sedert 2003 kapitale beleggings van ongeveer R116 miljard in Suid-Afrika gemaak het.

“Tussen Januarie 2003 en Augustus 2019 het altesaam 26 Suid-Afrikaanse maatskappye in China belê, met ʼn kapitale uitgawe van R88 miljard. Altesaam 88 Chinese maatskappye het oor dieselfde periode in Suid-Afrika ongeveer R116 miljard belê,” het hy gesê.

Adjunkpres. David Mabuza is tans op ʼn werksbesoek in die Volksrepubliek China, waar hy medevoorsitter sal wees tydens die sewende Suid-Afrika/China Binasionale Kommissie (BNC).

“Die Suid-Afrika/China BNC is in 2002 op die been gebring om as ʼn strategiese platform te dien om kwessies van gesamentlike belang aan te roer soos handelspromosies en ekonomiese handel,” het Mthembu bygevoeg.

“Die kabinet verwelkom die ondertekening van die strategiese samewerkingsooreenkoms tussen Suid-Afrikaans Toerisme en die Chinese maatskappy Tencent, wat die kommunikasieplatform WeChat besit. Dié tweejaarooreenkoms bied aan Suid-Afrika direkte toegang tot miljoene voornemende Chinese reisigers (sakereise en privaat reise), om die land te bemark as ʼn bestemming.”

Hy het gesê Suid-Afrika het ten doel om besoeke van internasionale toeriste teen 2030 te verdubbel van 10,4 miljoen tot 21 miljoen.

Die kabinet verwelkom ook die departement van basiese onderwys se bemagtigingsinisiatief vir skoolbestuurders, in samewerking met die regering van China, waar 25 skoolhoofde beste praktyke in die skoolomgewing met hul Chinese eweknieë in Sjanghai deel en uitruil.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

36 Kommentare

jongste oudste gewildste
Taalkenner

Begin maar solank Mandaryns leer.

humor

Dashy, hulle het nog so onlangs gevegte gehad oor die vorige landsvlag. Nie lank nie dan wapper daar n gans ander vlag oor n gewese SA. Wonder wat die nuwe naam sal wees.

MCS

So word SA weg gegee aan die Chinese. Wel gedaan ANC. Een van die dae sal daar nie plek vir enige Suid Afrikaner in SA wees nie want die Chinese sal in oorvloed die land inval.

Danie van Rensburg

Dalk is dit n ligpunt, China besit omtrent Afrika, hul regering mag dalk die krag aanhou ens

Dries du Toit

Enigiets is beter as die ANC. Laat hulle kom. Hierdie land is lankal nie meer ons sn nie