Chirurg tydens huisroof doodgeskiet

Argieffoto: Kent Williamson

ʼn Bekende neurochirurg is Maandag in die vroeë oggendure in sy huis in Kimberley in die Noord-Kaap doodgeskiet.

Kol. Mohale Ramatseba, provinsiale woordvoerder van die polisie, het aan Maroela Media gesê dr. Mohammed Lateef (53) is in sy huis in Hugostraat in Monumenthoogte doodgeskiet nadat rowers hom en sy vrou oorval het. Sy vrou is vasgebind.

Lateef is op die toneel dood verklaar. “Dit is in dié stadium nog onbekend hoeveel rowers betrokke was by die voorval,” het Ramatseba verduidelik. Drie selfone, ʼn tabletrekenaar en ʼn skootrekenaar is tydens die voorval gesteel.

“Ons kan nie in dié stadium die presiese omstandighede rondom die voorval bekend maak nie aangesien die ondersoek nog voortduur,” het Ramatseba gesê. Sake van roof en moord word ondersoek.

Lebogang Motlhaping, Noord-Kaapse LUR vir gesondheid, het hom ten sterkste uitgespreek oor dié voorval. “Motlhaping is kwaad en geskok oor die dood van ʼn mediese dokter wat in die neurochirurgie-veld gepraktiseer het by die Kimberley-staatshospitaal,” het Lebogang Majaha, Motlhaping se woordvoerder, gesê.

“Die LUR maan die polisie om spoedig te reageer om te verseker dat skuldiges aan die pen ry.” Motlhaping sal die Lateef-familie later besoek om sy meegevoel met hulle te betoon.

Die polisie het gevra dat enigiemand met inligting oor die voorval ao. Pamela Mafaro bel by 082 331 4712.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Hettie

Baie sad :-(
Sterkte aan sy vrou was geskok is

AL

Wat gaan hierdie lamlendige regering aan die wetteloosheid doen?!

Manie

Dankie aan DE klerk en die lamsakkige liberale Afrikaners vir die gemors waarin die land is. Tragies dat enige iemand so moet sterf

m

Hulle gaan niks doen nie AL. Hulle blaas dit dan aan. Dis hoekom ons in “gemors status sit.

botterblommetjie

Was dit roof… dink in die geval moet die polisie dalk die moontlikhede oorweeg dat dit dalk ‘n pasiënt se familie of iets is… mens staar mens soms blind as goed gesteel ook is, maar ek ‘n feeling hier iets meer agter die moord…. Dit was dalk letterlik moord, met roof as ‘n toesmeerdoel…..