Christopher Panayiotou se pa tydens roof doodgeskiet

Costa Panayiotou ondersteun sy seun Christopher tydens ‘n vorige verskyning in die hof (Mei 2016) Foto: ANA

Costa Panayiotou (67) is in die vroeë oggendure Maandag in Uitenhage in die Oos-Kaap doodgeskiet.

Volgens sers. Majola Nkohli, polisiewoordvoerder, het Panayiotou pas sy winkel in Markstraat gesluit en was hy en ʼn werknemer op pad na sy motor toe hulle deur ʼn onbekende aantal mans aangeval is.

Panayiotou is deur een van die verdagtes geskiet en hy is op die toneel dood verklaar. “Die verdagtes het die werknemer in Panayiotou se motor ingeboender en van die toneel gevlug.” Die motor is later verlate in Motherwell gevind.

Panayiotou se werknemer is ook later ongedeerd gevind. Niemand is nog in verband met die voorval in hegtenis geneem nie. Die polisie het gesê meer besonderhede sal later bekend gemaak word.

Christopher Panayiotou is in November 2017 tot lewenslange tronkstraf gevonnis vir die moord op sy vrou, Jayde.

Jayde is op die oggend van 21 April 2015 buite die Stellen Glen-sekuriteitsoord in Kabegapark ontvoer waar sy gestaan en wag het vir ʼn saamrygeleentheid werk toe. Haar liggaam is die volgende dag in ʼn afgeleë gebied naby die Kwanobuhle-township buite Uitenhage gevind. Sy is drie keer geskiet, twee keer in haar rug en een keer in haar kop.

Die staat het aangevoer Panayiotou wou sy vrou laat vermoor omdat sy vir hom finansieel ʼn las was. Dit het ook ná Jayde se moord aan die lig gekom dat Panayiotou in ʼn buite-egtelike verhouding betrokke was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

Andrew ·

Gaan ons binnekort ‘n verdere appel aansoek sien? Eers die ondersoekbeampte en nou sy pa??????

Francois le Cochon ·

Sjoe, dis baie erg. My vermoede is dat Christopher nog geld skuld aan iemand, en dat die persoon die geld van die pa wou he^. Die pa wou nie die geld gee.

Maria ·

Hierdie is nie n roof nie. Iets nie lekker in die storie nie mag die waarheid uitkom. Jammer.

Ek ·

Hoe kan julle se die wiel draai? Sy pas was nie skuldig bevind aan enige iets nie.

Snaaks dat die werknemer ongedeerd was.

Wiel draai ·

Ek stem die wiel draai dalk stadig, maar hy draai. Ek stem ook saam, werknemer ongedeerd……. Die Pa het alles probeer om hom onskuldig te kry andat hy Jayde vermoor het, ek wens dit nogsteeds vir neimand toe nie, maar ek glo hy sal nou verstaan hoe Jayde se suster en ouers moes gevoel het.

Monique ·

Sies Stella – die pa het niks met Jayde se ontvoering en moord te doen gehad nie so hoekom moet hy beboet vir sy seun se dade?
swak van jou om so iets te se – en ENIGE ouer sal hul kind ondersteun maak nie saak wat nie so al het hy se moordenaar seun ondersteun maak dit hom NIE ‘n slegte pa nie
Sterkte aan die familie EN aan Christopher

Mads ·

Ek wou ook eers se die wiel draai……..

Maar shame die arme pa kan nie help vir wat sy seun gedoen het nie.

Wie weet ·

Sy pa het hom ondersteun nadat hy daardie mooi vrou laat dood maak het nee wat die wiel draai op sy eie tyd Dit klink vir my ook na n beplande moord

Sputnik ·

Ek wonder maar net so in die stilligheid of daardie werknemer altyd so baie gesweet het?

Yolandi ·

Janeh…..

Ek sien ander berigte verwys na n vroulike assistant wat saam hom was… sy was glo verkrag…..

Wiel draai ·

Hi Yolandi, ek het gaan kyk en dit ook gelees, as dit egter so is, voel ek jammer vir die arme vrou.

BEES ·

Almal is darem nie so dom nie.Dit is so min n rooftog.Bewerk bietjie die “werknemer” sodat die waarheid uitkom.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.