Clicks: Haarprodukte verwyder; werkers geskors

(Foto: clicksgroup.co.za)

Clicks het Dinsdag aangekondig dat hy TRESemmé-haarprodukte van sy winkels se rakke gaan verwyder en eerder sy reeks plaaslike haarversorgingsprodukte gaan uitbrei. Dit is deel van die kleinhandelaar se proaktiewe maatreëls wat getref is om diversiteit en inklusiwiteit te bevorder deur die plaaslike skoonheidsmark, in samewerking met die regering, te help bevorder.

Clicks se uitvoerende hoof, Vikesh Ramsunder, het gesê TRESemmé-haarprodukte sal met onmiddellike effek van Clicks-winkels se rakke verwyder word. Hy sê Clicks sal ook verder met al sy verskaffers in gesprek tree om te verseker dat hul etiese gedragskodes toegepas word.

Volgens Ramsunder was Clicks die afgelope paar dae in uitgebreide gesprekke met die departemente van arbeid en handel en nywerheid betrokke en sal hulle nou saamwerk om die plaaslike skoonheidsmark in Suid-Afrika te help ontwikkel.

Clicks het die afgelope naweek in die sop beland nadat hy ʼn TRESemmé-advertensie op sy webwerf geplaas het waarin na verskillende vroue se verskillende haarsoorte verwys word. In die advertensie word die byskrifte “frizzy & dull” en “dry & damaged” gebruik by die foto’s van swart vroue se natuurlike hare, terwyl die byskrifte “fine & flat” en “normal” by foto’s van wit vroue se natuurlike hare gebruik word.

Luidens ʼn verklaring uitgereik deur Clicks se bestuur is alle werknemers wat verantwoordelik was vir die publisering van die advertensie wat die afgelope naweek ʼn rasseherrie veroorsaak het, geskors. Clicks het ook die bedanking van die senior uitvoerende beampte wat hiervoor verantwoordelik was aanvaar.

Ramsunder het gesê alle geskorste werknemers sal deur ʼn regverdige en onbevooroordeelde tugverhoor gaan onder toesig van ʼn onafhanklike voorsitter.

Ramsunder het Maandag in ʼn ope brief om verskoning gevra vir die advertensie en die herrie wat dit veroorsaak het. TRESemmé het ook om verskoning gevra.

“Ons besef dat hierdie voorval ʼn beduidende impak op ons mense en ons klante gehad het en ons het besluit om ons winkels op Woensdag 9 September vir ʼn dag te sluit. Ons sal hierdie geleentheid gebruik om direk met al ons winkelpersoneel in die hele land in gesprek te tree om berading en ondersteuning te bied. Ons sal ondersteun word deur die ICAS-program vir werknemersgesondheid en welstand,” sê Ramsunder.

Volgens Ramsunder prioritiseer hulle ook hul opleidingsprogram vir diversiteit en inklusiwiteit. “Ons sal die inhoud daarvan hersien, dit uitbrei en met meer dringendheid en fokus implementeer. Ons werk saam met die polisie om die veiligheid van ons personeel, klante en lede van die publiek te verseker, en bedank hulle dat hulle steeds by ons gaan inkopies doen.”

EFF-lede het Maandag voor talle Clicks-winkels landwyd betoog en ook in sommige gevalle groot skade aangerig. Die betogings is Dinsdag voortgesit en Clicks het ʼn dringende interdik bekom waarvolgens die EFF en sy leiers verbied word om enige werkers van die Clicks-groep te intimideer of te dreig. Die hof het die EFF bykomend verbied om enige klante wat die winkels besoek te intimideer of te dreig, asook enige geweld teen die gewone handelsbedrywighede van die groep aan te hits.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Groen Haas

Sal interessant wees om te weet watter ras die afgedankde personeel is?. Indie hulle nie-blank is, is dit mos nie rassisties nie?

katerinadiekat

So met ander woorde, die EFF regeer nou die land?

Persheks Adri

Nee regtig! Dit nou als oor rooi petters so sê. Nou het ek alles gehoor. Die regering tree steeds nie op nie en om te sê hul keur dit nie goed nie beteken sweet blow niks!

Kom Cyril ons wag in spanning vir jou reaksie en optrede teenoor hulle!!!

#Tsek EFF tsek!!!

Fedup

So clicks will rather jump when that garden gnome throw a tantrum, than taking steps against them for vandalism.
Why don’t you close all the clicks stores in this country?

Niklaas

Daar is dosyne WA grappe oor hierdie situasie in ons land. Dit wys net weer dat ons mense (diegene wat nie so sensitief is oor haarprodukte nie) se sin vir humor nie maklik vertrap sal kan word nie.