Clicks herroep swangerskapstoetse oor drama met uitslag

Argieffoto

Clicks het Vrydag laat hoor dat hulle sekere van die digitale swangerskapstoetse wat landwyd in hul winkels verkoop word, gaan herroep.

Dít nadat Business Insider SA Vrydag ʼn video die lig laat sien het waarin hulle een van dié swangerskapstoetse waaroor een van hul lesers by hulle gekla het, in gewone kraanwater doop en die toets dan ʼn ‘swanger’‑ of positiewe uitslag toon.

Die leser het glo emosioneel vertel hoe hartseer sy was dat sy nie werklik swanger was soos die toets aangedui het nie.

Clicks het op Twitter laat hoor dat hulle dié produk as ʼn voorsorgmaatreël gaan herroep.

“As ʼn verantwoordelike gesondheidshandelaar neem ons die welstand van ons klante uiters ernstig op. Ons onttrek die produkte van die rakke as ʼn voorsorgmaatreël hangende verdere ondersoek deur die verskaffer.”

Hulle het wel gesê dat klante die toetse volgens die ingeslote instruksies moet gebruik.

“Ons wil die geleentheid gebruik om te beklemtoon dat – soos met alle tuis‑swangerskapstoetse – klante die instruksies moet volg, met ander woorde urine, en nie water nie, moet gebruik.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
hoe sê

Moet liewers nie daai water drink nie

IK

Ek sal nie verbaas wees indien daar urine is in ons drinkwater . . . ?

Andrea

Beteken dit nie dat ons water vol urine en hormone is nie?

AW

Eish !!

Lily du Plessis

Mense julle mis die .
Daar is vir baie mense vals hoop gegee.