“Ek vra weer onvoorwaardelik om verskoning aan haar…,” het Roelof du Plessis, Derby-Lewis se regsverteenwoordiger, gesê terwyl Hani in die voorste ry van die openbare galery gesit het. Du Plessis het gesê Derby-Lewis het haar genooi om hom by die Eugene Marais-hospitaal te besoek sodat hy haar om verskoning kan vra.
Derby-Lewis (79) is in die hospitaal opgeneem om behandeling te ontvang vir longkanker en het ‘n spesiale mosie gebring om op mediese parool vrygelaat te word sodat hy by die huis kan sterf. Du Plessis het in die hof aangevoer dat Derby-Lewis in Desember meegedeel is dat hy ses maande het om te leef.
Hy het reeds 21 jaar tronkstraf uitgedien vir sy aandeel in die moord op Hani. Volgens Du Plessis is dit onwaar dat Derby-Lewis nie berou het nie. Du Plessis het talle dokumente ingedien om dit te bewys. Hy het gesê die nuutste benadering is onmiddellik van krag en dat Derby-Lewis van “aangesig-tot-aangesig” vir Hani om verskoning wil vra.
Volgens Du Plessis het Derby-Lewis al herhaaldelik berou getoon, hoewel Michael Masutha, minister van korrektiewe dienste en justisie, gesê het Derby-Lewis het nie berou getoon nie. Masutha het die uitlating gemaak nadat hy in Januarie Derby-Lewis se paroolaansoek van die hand gewys het.
Du Plessis het verskeie verslae, waaronder van pastore en sielkundiges, ingedien waarvolgens Derby-Lewis gesê het hy is jammer oor wat hy gedoen het en vir die leed wat hy mev. Hani aangedoen het. Volgens die verslae is Derby-Lewis ʼn toegewyde Christen.
Du Plessis het gesê Masuthu het nie behoorlik daaroor gedink toe hy besluit het oor Derby-Lewis se parool nie. Hy het gevra vir dieselfde deernis wat vir Jackie Selebi, voormalige nasionale polisiekommissaris, gewys is. Selebi is in Januarie dood terwyl hy op mediese parool was.
Du Plessis het gesê Derby-Lewis is geviktimiseer deur die lang tydperke wat dit die departement gevat het om sy paroolaansoeke te oorweeg. Sy eerste aansoek was in 2007. Du Plessis het ‘n beroep op die hof gedoen om ʼn voorbeeld te stel van wat deernis en die beskerming van waardigheid in Suid-Afrika beteken.
Du Plessis het gesê Derby-Lewis het geen politieke ambisie nie en dat hy graag net by die huis wil doodgaan. Hy het gesê dit is onverklaarbaar hoe die mediese paroolraad tot sy besluit gekom het. Derby-Lewis se aansoek is onder meer afgekeur omdat hy fase 3b-kanker het en nie fase 4 nie. Volgens Du Plessis het Derby-Lewis fase 4-kanker.
Die saak duur voort.
Did n skande DAT Clive nog sit.Hy sit omdat sy velkleur verkeerd is.Hoe sal daar ooit vrede in dieland wees as dinge so skeef getrek word in die politiek.Baie ander moordenaars loop vry
Jy moet seker eers so terminaal soos Shabir wees –
Gaan lees die kommentaar op News24, veral vanuit die swart geledere. Indien daar nog enige van ons mense is wat dink dat ons ooit deur die meerderheidsbevolking aanvaar sal word en hulle bereid sal wees om met ons in vrede saam te leef, ly aan ernstige ontkenning. Die beeld van ‘n volstruis met sy kop in die sand doen homself voor.
Waar verskyn ons kommentaar? Ek het al in die verlede ge reageer op plasings – en vind dit nêrens
Ek sterf eerder voor ek onverskoning vra…gaan al die sondaars wat ons volk so uitmoor vir hulle families onverskoning maak en ook die headlines maak soos DL?? Nee, natuurlik nie..dit word onder die mat ingevee want ons wit lewens beteken niks vir hulle nie. Ons is in hul oë dieselfde as ‘n koei wat hulle slag in die middel van ‘n sport veld…
dit is belaglik
Die hele land wag in spanning om te hoor wanneer Shabir se begrafnis is.Wonder genees middel gevind deur dept. van korrektiewe dienste.As n gevangene terminal siek is en gesond word verval sy parool of wat.