Video: Clive Derby-Lewis se laaste onderhoud

Clive Derby-Lewis

Clive Derby-Lewis

Clive Derby-Lewis het geen geheime graf toe geneem nie. Hy het kort voor sy dood ‘n eksklusiewe onderhoud toegestaan wat nou bekend gemaak is.

Die onderhoud is die enigste onderhoud wat Derby-Lewis sedert sy vrylating op mediese parool in Junie 2015 toegestaan het. Hy is op 3 November 2016 oorlede.

Die videovervaardigingsmaatskappy Forum Films het vandag die eerste deel van die eksklusiewe onderhoud met Derby-Lewis bekend gemaak. Die onderhoud is op 2 September 2016 verfilm en strek oor ongeveer 70 minute en word in vier dele aangebied.

Ernst Roets, uitvoerende hoof van Forum Films, het die onderhoud met Derby-Lewis gevoer. Roets verduidelik dat die onderhoud verfilm is met die idee om ’n dokumentêr oor die Waarheid- en-Versoeningskommissie (WVK) te vervaardig, maar dat Forum Films ná Derby-Lewis se dood besluit het om eerder die volledige onderhoud te publiseer.

“Dit is welbekend dat Derby-Lewis ’n oortreder was. Die onderhoud maak dit duidelik dat hy op sy eie manier ook ’n slagoffer was. Dit is belangrik dat die stellings wat Derby-Lewis in die onderhoud maak, gepubliseer word sodat dit in die geskiedenis opgeteken kan word,” sê Roets. Hy voeg by dat dit Derby-Lewis se wens was dat die onderhoud ná sy dood gepubliseer word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
marianna

Wanneer kry ons die res van hierdie onderhoud?

Bosveld g

Dit laat mens dink né…… wol voor die oë politici, die Oom het sy prys betaal vir sy mense. Rus sag Clive

Elize Visagie

voel net hy moes lankal op parool vrygelaat gewees het om meer tyd saam sy familie deur te bring. hy het n fout gemaak en het daar voor betaal

humor

Dankie Maroela, maar is tog iets wat julle kan oorweeg om mee te help. Op die platteland is daar 1000 de mens waar die sein so swak is dat die film nie kan oop maak nie. Selfs in Johannesburg is die sein soms plek plek so swak dat dit nie altyd werk nie. Ook is daar mense met swak gehoor wat dit nie doeltreffend kan benut nie. Is dit moontlik om die hele onderhou skrifte aan ons te voorsien??

Maria Van Dieweeck

Dit is n baie goeie onderhoud en dit is noodsaaklik dat die waarheid op elke platform verkondig word, hetsy op n sportveld, n teater, n boek, fliek watookal. Die leuens van die huidige politieke leiers het tot dusver geen verset gehad nie. Selfs in skole word leuens sonder teenkanting in jong breine afgestempel. Dankie vir verfrissende waarheid. RIV CD-L