Clive Rice oorlede

Clive saam met sy vrou Sue. Foto: Facebok

Clive saam met sy vrou Sue. Foto: Facebok

Clive Rice, voormalige Suid-Afrikaanse krieketkaptein, is oorlede.

Rice, wat Donderdag 66 jaar oud geword het, was vroeër vanjaar in Indië waar hy behandeling vir breinkanker ontvang het. Rice het ʼn gewas op sy brein gehad.

Rice het vroeër vanjaar ná sy behandeling in Indië aan Carte Blanche gesê hy het verlede jaar gholf gespeel toe dit skielik gevoel het of hy ʼn spier in sy been geskeur het. Dit het egter later aan die lig gekom dat Rice ʼn seldsame vorm van weefselkanker gehad het. Hy het later operasies aan sy been ondergaan, maar die kanker het eers na sy longe versprei en later na sy brein.

Rice het die Proteas-groep aangevoer in hul geskiedkundige toer na Indië in 1991. Hy is destyds as een van die veelsydigste krieketspelers gereken.

Die voormalige Proteas-speler Pat Symcox het sy skok oor Rice se afsterwe op Twitter uitgespreek: “Platgeslaan. ʼn Goeie vriend en ʼn wonderlike man. Clive Rice is oorlede. Die wêreld is ’n armer plek.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Theresa ·

Baie hartseer. Sterkte aan sy familie in hierdie moeilike tyd.

Manie ·

Wat n tragiese dag vir wereld krieket. Seker een van die beste krieket kapteins wat krieket nog opgelewer het.

Johan Nel ·

Baie hartseer nuus. Sterkte aan sy familie. Wat n reuse legende!!!

Eliza-beth ·

‘n Legende – uitstekende speler en ‘n stoutgat – wie onthou nog sy kaalbas foto met ‘n krieketkolf reg voor die “family jewels”? Rus in vrede, weg van alle pyn. Sterkte vir sy familie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.