Coligny-betogings: ‘Dís wat gebeur het’

Vragmotors wat deur betogers in Coligny in Noordwes aan die brand gesteek is (25 April 2017). Foto: Facebook via Marlene Roux

Pieter Karsten, die werkgewer van die twee mans van Coligny wat Woensdag in hegtenis geneem is in verband met die dood van ʼn kind, het vir die eerste keer met die media gepraat oor die gebeure in dié dorp wat gewelddadige betogings tot gevolg gehad het.

Karstens het in ʼn onderhoud met RSG se Monitor en Spektrum gesê inwoners van dié dorp het al Sondagmiddag, nog voor betogings op dié dorp begin het, gehoor dat mense die volgende dag in massas na die dorp gaan opruk om te betoog.

Supra Mahumapelo, premier van Noordwes, het gesê die gemeenskap was glo ontevrede omdat die polisie “niks doen” om die seun se dood te ondersoek nie, maar brig. Sabata Mokgwabone, provinsiale woordvoerder van die polisie, sê ʼn geregtelike doodsondersoek is onmiddellik deur die polisie begin.

Betogings op die dorp het Maandag begin en intussen is huise en besighede geplunder en afgebrand.

Karsten meen dit alles is die gevolg van ʼn ongeluk.

“Die verwoesting van die aangeplante landerye is al vir lank ʼn kopseer,” sê hy aan RSG. “Ons het byna elke week moeilikheid en ons moes mense kry om ons landerye te beveilig.

“Ons manne [die twee mans wat in hegtenis geneem is] het toe twee van die jong seuns in die pad gesien wat met sonneblomme loop wat hulle gesteel het. Hulle het toe vir die seuns gesê om agter op die bakkie te klim sodat die mans hulle polisiestasie toe kon vat. Die een seun het weggehardloop en die ander seun het uit vrye wil agter op die bakkie geklim. Hulle het hom nie gedwing, geskiet, geslaan of hulle hande vir hom gelig nie,” sê hy.

Karsten sê hoewel die mans geweet het dat niks daarvan sou kom as hulle die seuns by die polisie verkla nie, wou hulle hom net waarsku. “Die polisie sou hom waarskynlik sommer net ʼn waarskuwing gee, en dan sou hy gaan. Toe die mans egter op ʼn draai spoed verminder, het hy van die bakkie afgespring. Hy het sy nek gebreek.”

Mokgwabone het bevestig die mans sal Vrydag in die hof verskyn. Hulle name en die ligging mag egter nie bekend gemaak word nie.

Maroela Media het vroeër berig verskeie vragmotors en huise is die afgelope paar dae deur betogers aan die brand gesteek, winkels geplunder en talle ondernemings erg beskadig. Paaie in die gebied was met tye onbegaanbaar en talle voertuie is deur betogers met klippe bestook.

Nagenoeg 48 mense is tot dusver in hegtenis geneem. Ses mense is op aanklagte van openbare geweld in hegtenis geneem, terwyl twee vasgetrek is nadat hulle ʼn polisie-njala aan die brand gesteek het. Altesaam 42 mense is in hegtenis geneem vir die besit van vermoedelik gesteelde goedere nadat hulle na bewering winkels in die gebied geplunder het.

Lees alle vorige berigte oor Coligny op  Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

71 Kommentare

jongste oudste gewildste
Gerhard de V

Die haat vir wittes het geen perke in hierdie land nie. Politici stel die voorbeeld. Dan is ons kwansuis VRY…vry om te steel, verkrag, vermoor.

Joseph

Dan moet ons ook nou maar die lokasies begin afbrand elke keer as daar wit mense en boere vermoor word.

Selfbeskikking

Ek sê nog heeltyd daar is geen alternatief as selfbeskikking nie, julle sal met die tyd almeer besef hoekom ek reg is…

Reynete

Joseph, ek stem saam.

marous

Selfbeskikking is jare gelede voorgestel , toe word dit afgekraak as verkramp , vasklou aan geskiedenis , onwerkbaar , lagwekkend ens. Nou is dit glad nie vergesog nie. Wonder hoeveel van die “ja” stemmers is ook nou daarvoor.