Coligny-moordsaak: ‘Ek het hom nie doodgemaak’

Phillip Schutte en Pieter Doorewaard Foto: ANA

Die waarde van elk van die sonneblomkoppe wat die 16-jarige Matlhomola Mosweu na bewering gesteel het, was tussen R60 en R80.

Phillip Schutte (34), een van die twee Coligny-mans wat van die moord op Mosweu aangekla word, het Donderdag aan die hooggeregshof in Mahikeng in Noordwes gesê Mosweu het vyf of ses sonneblomkoppe in sy besit gehad.

Schutte het tydens kruisondervraging ontken dat hy Mosweu doodgemaak het of dat hy Bonakele Pakisi, die staat se sleutelgetuie in die saak, geïntimideer, ontvoer of ʼn vuurwapen op hom gerig het.

Pakisi het vroeër getuig hy het gesien hoe Phillip Doorewaard (26) en Schutte vir Mosweu uit ʼn bewegende voertuig gegooi het. Hy beweer Doorewaard het die bakkie bestuur terwyl Schutte hom glo van die bakkie gegooi het.

Staatsaanklaer Moeketsi Moeketsi het dit aan Schutte gestel dat hy en Doorewaard vir Mosweu met opset doodgemaak het.

Schutte het dit ontken en gesê Mosweu het van die bakkie afgespring. Moeketsi het egter volgehou dis nie waar nie.

Schutte het vroeër erken dat hy nie gesien het dat Mosweu van die bakkie afspring nie. Schutte het gesê hy het stof gesien in die linkerkantste truspieëltjie [van die bakkie] en het toe gekyk na die agterkant van die bakkie en agtergekom die seun is nie meer daar nie. “Ek het geskree dat die seun gespring het,” het Schutte gesê.

Hy het bygevoeg die voorval het in ʼn “breukdeel van ʼn oomblik” plaasgevind en die enigste afleiding wat hy kon maak, is dat Mosweu gespring het.

Doorewaard en Schutte word daarvan beskuldig dat hulle Mosweu in April 2017 vermoor het. Volgens die twee het Mosweu van ʼn bewegende bakkie gespring terwyl hulle hom na ʼn polisiestasie geneem het terwyl die staat aanvoer hy is van die bakkie gegooi of gestamp.

Die staat beweer dit het gebeur nadat die twee mans Mosweu betrap het waar hy sonneblomkoppe uit hul werkgewer, Pieter Karsten, se landerye steel.

Die saak is tot 25 September uitgestel vir finale argumente.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Manie

Julle sal moet wakker wees want daardie rassistiese aanklaer het opdragte van hoër af.

PJC

Ek dink die sogenaamde ooggetuie lieg blatant. Dit is die groot gevaar van hierdie tipe sake. Hierdie mense skroom nie om blatant te lieg net om ń witte aan die pen te laat ry nie.

Rina

Wat was die resultaat van die lykskouing en beserings waaraan hy dood is en selfs die forensiese getuienis. Die sogenaamde getuienis sal nie deur die staat as ongeloofwaardig beskou word nie. Al kan dit ook nie bo enige twyfel bewys word nie en is polities ook korrek. Dis so duidelik soos daglig dat ‘n sekere groep oor sulke dade nou geëtiketteer meer as ander bevolkings groepe in dieselfde sake.

Rina

Wat was die resultaat van die lykskouing en beserings waaraan hy dood is en selfs die forensiese getuienis. Die sogenaamde getuienis sal nie deur die staat as ongeloofwaardig beskou word nie. Al kan dit ook nie bo enige twyfel bewys word nie en is polities ook korrek. Dis so duidelik soos daglig dat ‘n sekere groep oor sulke dade nou geëtiketteer word meer as ander bevolkings groepe in dieselfde sake.

Lindtjies

Soos ek verstaan het die twee beskuldigdes voor in die bakkie gery en die slagoffer agterop die bakkie. So hoe het die beskuldigdes dan die slagoffer van die bewegende bakkie af gegooi? Ek dink dit is nie ‘n baie betroubare weergawe van die getuie nie.