Coligny-moordsaak: Hof lewer uitspraak oor dringende aansoek

Betogers voor die Coligny-landdroshof in Noordwes (28 April 2017) Foto: @IanCameron23, Twitter

Die Noordwes-hooggeregshof het Maandagmiddag uitspraak gelewer oor ʼn dringende aansoek van die twee mans wat tereg staan op ʼn aanklag van moord in verband met die dood van ʼn 12-jarige seun in Coligny in Noordwes.

Frank Lesenyego, die streekswoordvoerder van die Nasionale Vervolgingsgesag (NVG), het aan Maroela Media gesê die hof het die twee mans se aansoek, dat hul borgtogaansoek reeds môre aangehoor word, goedgekeur. Die aansoek is om 16:00 aangehoor.

Pieter Doorewaard en Phillip Schutte se borgtogaansoek is aanvanklik vir 9 Mei geskeduleer.

Doorewaard en Schutte het Vrydag in die Coligny-landdroshof verskyn op aanklagte van moord en poging tot moord.

Die mans het na bewering twee seuns betrap dat hulle sonneblomme uit boere se landerye gesteel het. Hulle het glo vir die seuns gesê om agter op hul bakkie te klim sodat die mans hulle polisiestasie toe kon vat. Een seun het weggehardloop en die ander seun, Matlhomola Jonas Mosweu, het agter op die bakkie geklim. Hy het glo egter van die bakkie afgespring toe die voertuig om ʼn draai spoed verminder het.

Matlhomola het sy nek gebreek en is op 20 April oorlede.

Sy pa, Sakkie Dingake, het vroeër gesê die familie het eers Sondag van Matlhomola se dood uitgevind. Hulle het al die tyd gedink hy kuier by vriende op ʼn plaas in Putfontein. Dingake het ontken dat sy seun sonneblomme sou steel.

Maroela Media het vroeër berig die kind se dood het aanleiding gegee tot die gewelddadige betogings in Coligny waartydens minstens drie vragmotors en drie huise afgebrand en talle winkels geplunder is.

Lees alle vorige berigte oor Coligny op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

46 Kommentare

jongste oudste gewildste
Manie

Het enige mens nou gedink die pa gaan sê my kind is n dief

GES

Dit aan die lig gekom dat die seun 16 jaar oud is.

Ken2

Sekere media moet aangekla word wan naamskending want hierdie IS NIE MOORD NIE!!

Jordaan

Is die oorledene se naam nie nou weer anders as vroeëre berigte nie?

Andre

How kan die pa se sy kind het nie sonneblom gesteel nie hy het nie eers geweet waar sy kind is nie!!