Coligny-moordsaak: Twee vandag in hof

Betogers voor die Coligny-landdroshof in Noordwes (28 April 2017) Foto: @IanCameron23, Twitter

Die twee mans wat tereg staan op ʼn aanklag van moord in verband met die dood van ʼn 16-jarige seun in Coligny in Noordwes sal vandag in die Coligny-landdroshof verskyn.

Brig. Sabata Mokgwabone, woordvoerder van die polisie het aanvanklik gesê die seun was 12 jaar oud, maar het Dinsdag bevestig hy is 16 jaar oud.

Frank Lesenyego, die streekswoordvoerder van die Nasionale Vervolgingsgesag (NVG), het aan Maroela Media gesê die hof het Maandagmiddag die twee mans se aansoek dat hul borgtogaansoek reeds môre aangehoor word, goedgekeur. Die aansoek is om 16:00 aangehoor.

Pieter Doorewaard en Phillip Schutte se borgtogaansoek is aanvanklik eers vir 9 Mei geskeduleer.

Doorewaard en Schutte het Vrydag in die Coligny-landdroshof verskyn op aanklagte van moord en poging tot moord.

Die mans het na bewering twee seuns betrap dat hulle sonneblomme uit boere se landerye gesteel het. Hulle het glo vir die seuns gesê om agter op hul bakkie te klim sodat die mans hulle polisiestasie toe kon vat. Een seun het weggehardloop en die ander seun, Matlhomola Jonas Mosweu, het agter op die bakkie geklim. Hy het glo egter van die bakkie afgespring toe die voertuig om ʼn draai spoed verminder het.

Matlhomola het sy nek gebreek en is op 20 April oorlede.

Sy pa, Sakkie Dingake, het vroeër gesê die familie het eers Sondag van Matlhomola se dood uitgevind. Hulle het al die tyd gedink hy kuier by vriende op ʼn plaas in Putfontein. Dingake het ontken dat sy seun sonneblomme sou steel.

Lees alle vorige berigte oor Coligny op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Wanda

Moet sê Sakkie en sy vrou probeer vreeslik hard om hartseer te lyk op tv. Jy as ouer wat nie eers weet waar is jou kind al vir n geruime tyd nie. Geen wonder misdadigers by miljoene. MY hart gaan uit vir die 2 ouens, hulle gaan in lewens gevaar wees as hulle vrygelaat sou word. En die klomp betogers staan wag om seker verder aan te gaan met afbrand. Wonder net hoe weet hulle presies van datums en wat aangaan in die hof. Lyk my almal is werkloos is daai plakkerskamp.

wie weet

Wel as die pa reg is oor sy seun wat nie sonneblomme sal steel nie, is dit dalk nie sy seun nie en kuier hy dalk nog erens.

Christie

Hoe kan iemand van moord aangekla word as iemand van jou bakkie afspring? Maak nie sin nie dan was dit mos selfmoord?

wie weet

Wel as die pa reg is oor sy seun wat nie sonneblomme sal steel nie, is dit dalk nie sy seun nie en hy kuier nog erens.

Erika

Jip…..stem saam. Dalk kuier die kind nog. Die stories van die mense op die TV nuus lyk asof daai mense voorgese is wat om te se. Kry daai mans jammer.