Coligny-moordsaak: Uitspraak gelewer

Pieter Doorewaard en Phillip Schutte (Foto: ANA)

Pieter Doorewaard (26) en Phillip Schutte (34) is Woensdag in die Noordwes-hooggeregshof skuldig bevind op aanklag dat hulle ʼn tienerseun van Coligny vermoor het.

Regter Ronnie Hendricks het Doorewaard en Schutte skuldig bevind op aanklag van moord, ontvoering, intimidasie, diefstal en die rig van ʼn vuurwapen.

Die staat het aangevoer die twee het op 20 April 2017 die 16-jarige Matlhomola Mosweu van ʼn bewegende bakkie afgestamp of afgegooi het en dat die tienerseun weens dié val gesterf het. Die staat beweer dit het gebeur nadat die twee mans Mosweu betrap het waar hy sonneblomkoppe uit hul werkgewer, Pieter Karsten, se landerye steel.

Die twee mans het volgehou Mosweu het van die bakkie afgespring.

ʼn Enkele ooggetuie van die voorval, Bonakele Pakisi, het egter aangevoer Mosweu, ook bekend as Faki onder sy maats, is van die bewegende bakkie afgestamp.

Die saak is tot Donderdag uitgestel vir vonnisverrigtinge. Doorewaard en Schutte bly in aanhouding.

Lees alle vorige berigte oor die Coligny-moordsaak op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

105 Kommentare

jongste oudste gewildste
Monica

Absoluut verregaande!!! Ek is sprakeloos, hierdie is rasgedrewe uitspraak.

Vervalle SA

Die howe word beheer deur die ANC en hulle aanstellings? Die uitspraak is die wil van die massas en nie volgens die wet nie. Die land is werklik wetteloos. Die regter het ook ‘n nuwe term geleer met die Oscar appel.

Thinus Erasmus

Ek verneem op RSG dat die regter beweer dat die twee beskuldigdes skuldig is omdat hul geen berou getoon het nie en deurentyd onskuldig gepleit het, en dat die twee saam gewerk het: 1 Ja hul het saam gewerk, aandiens, plaas patrolleer – dit is tog geen geldige rede nie. 2 Hul onskuldig gepleit het, ja hul mag en dis enigeen se reg 3 hul geen berou getoon het nie! As ek reg onthou het hul die oorledene se familie om verskoning gevra, wat tel dan as berou? Verwar die regter pleit van onskuld met geen berou? Of is hy… Lees meer »

doodstraf?

En dan skree daar soveel mense om die doodstraf terug te bring. Dis gevalle soos hierdie wat hulle vinnig hul fout sal laat besef wanneer daar sulke ‘rasgedrewe’ uitsprake gelewer word…

Ellisras

Dit is duidelik aan die uitspraak dat ras ‘n groot rol gespeel het. Ras moet geen rol speel nie.