Phillip Schutte en Pieter Doorewaard. Foto: ANA
Die twee mans wat skuldig bevind is aan die moord op ʼn tienerseun van Coligny in Noordwes se aansoek om verlof tot appèl teen hul skuldigbevinding en vonnis is Donderdag in die hooggeregshof in Mmabatho van die hand gewys.
AfriForum het Pieter Doorewaard en Phillip Schutte bygestaan om die aansoek te bring. Hesti Steenkamp, woordvoerder van AfriForum, het aan Maroela Media bevestig die aansoek het misluk.
Regter Ronnie Hendricks het Doorewaard (28) en Schutte (35) in Maart onderskeidelik tot effektief 18 en 23 jaar tronkstraf gevonnis op aanklag van moord, ontvoering, intimidasie, diefstal en die rig van ʼn vuurwapen.
Die staat het aangevoer die twee het op 20 April 2017 die 16-jarige Matlhomola Mosweu van ʼn bewegende bakkie afgestamp of afgegooi en dat die tienerseun weens dié val gesterf het. Die staat het beweer dit het gebeur nadat die twee mans Mosweu betrap het waar hy sonneblomkoppe uit hul werkgewer, Pieter Karsten, se landerye steel. Die twee mans het tydens die verhoor egter voet by stuk gehou dat Mosweu self van die bakkie afgespring het.
Die mans is in Oktober verlede jaar skuldig bevind aan die moord op Mosweu.
AfriForum het besluit om Doorewaard en Schutte by te staan om teen hul skuldigbevinding te appelleer nadat daar beweer is dat Bonakele Pakisi, die enigste ooggetuie in die saak, glo teenoor twee mense erken het dat hy in die hof gelieg het toe hy gesê het hy het gesien hoe die twee mans vir Mosweu van die bakkie afgooi.
Hou Maroela Media dop vir meer.
Wonder net wie het bestuur toe hulle twee hom die bakkie af gestoot het?
Schutte het bestuur. Doorewaard was agterop en het die seun afgegooi.
Kolla jy bedoel hy het die selferkende sonneblom dief van die bakkie gegooi ek verstaan weer dat hy afgespring het .
Die berig se uitdruklik die twee het die dief van die bakkie afgegooi. Daar sê nêrens wie het bestuur nie.
Die berig is verwarrend. Dis in die hofstukke. Schutte het bestuur Doorewaard was agter op.
Dit maak nie saak wat gebeur het nie. In die geval is dit meer oor wat gelieg is het gebeur. Dit is mos wit mans. Dan sal die staat net een uitkoms wil he.
Willie,
Mens word nie skuldig bevind op wat in die berig staan nie, mens word skuldig bevind op wat die hof bevind. Jy moet die hofsaak volg of jy moet die amptelike hofstukke lees.
Kolla het gesien en hy lieg nooit. Hy weet wat daar gebeur het. Hy is n siener so kol kol op n keer
Die getuie het erken dat hy gelieg het. Waarom word dit nie ondersoek nie?
Sal ni help om di getuie te ondersoek ni klaar te laat di 2 is klaar verhoor en skuldig bevind anders gaan daar weer oproer plaasvind en di land het dit ni weer nodig ni
Hier is menseregte skending in die eerste graad. As blanke word jou woorde in twyfel gedeel, dit gaan nie oor die relavansie daarvan nie, dit gaan oor jou velkleur. Sit is diskriminasie en rassisme teen blankes, niks anders nie.
Johann,
Dat die getuie gelieg het, is nooit deur n hof bevind nie. Dit is blote spekulasie (hoor-se) vir doeleindes van die reg.
Hulle was al skuldig bevind die dag toe hulle gebore is.
Ek hoop Afriforum help hulle om hierdie saak in die appèlhof te kry. Ek het die hofsaak gevolg en was hierdie uitkoms te wagte.
Omdat hulle wit boere is Johan.
Die getuie het erken hy het gelieg hoe kon hul hul skildig bevind het die hofsaak moes heeltemal van vooraf deur n nuwe regter gedoen gewees het met die getuies met wie daai man gepraat het en herken het dat hy gelieg het met daai feite aleenlik moes die saak uit gegooi gewees het geen gereg nie
Indien die twee werklik aan moord skuldig sou wees, bring dit steeds twee kwessies na vore. Dan was dit immers nie moord met voorbedagte rade nie asook die vergelyking van hul vonnisse vergeleke met die van (sommige) ander moordenaars. Is velkleur dan ‘n verswarende faktor by vonnisoplegging? Ek het myself nog nooit aan petisies gesteur nie en die waarde daarvan betwyfel, maar in hierdie geval behoort dit tog ‘n weg tot ‘n appèlhof te kan oopdwing.
Dit is skokkend. Wat kan ‘n mens meer sê van die regstelsel as die enigste getuie verskeie kere erken het dat hy gelieg het onder eed.
Hoop regtig Afriforum kan hierdie onreg regstel. Dis ook maar goed die doodstraf is afgeskaf want dan het hierdie twee onskuldige mense gehang. Regter Hendricks behoort nie op die regbank nie.
Dit is in die hof bo alle twyfel bewys dat hierdie twee seuns heeltemal onskuldig is. Die rassistiese regter het van die begin af geweet dat sy enigste getuie ‘n onbetroubare leuenaar is. Dit is die rassistiese regter en sy liegende getuie wat in die tronk hoort.
Die enigste ooggetuie het aan sy pastoor gebieg dat hy hy gelieg het. Nou waar is die regter se bewys?
Hierdie ouens kan hoogstens van strafbare manslag aan gekla word.
Dit wat jy sê Lerato, is presies hoe ek daaroor voel. Hoogstens strafbare manslag, as die getuienis vir afgooi oortuigend is. Die klaarblyklike nie-bestaande getuienis. As hy afgesmyt is, is hulle skuldig. Maar waaraan? Soos jy ook sê, manslag.
Lerato,
Dit is wat jy se, maar jy is nie die hof nie.
Abe, probeer jy lesers oortuig om bloot te aanvaar wat ookal in ‘n hof gesê word? Dit werk nie werklik so nie.
Begin asb ‘n sms Lyn waar almal kan bydrae vir die 2 jongmense se regskostes. Asb. Help hulle. Ons sal boodskap met nommer versprei.
Moord is moord – maar wat van die man in PE wat 3 vrouens vermoor het en net 16 jaar kry. Dit is mos nou regtig nie regverdig nie.
Het jy nog nie gehoor dat die enigste getuie in die saak GELIEG het nie? Hulle is dus onskuldig aan moord!
As jy ‘n hond wil slaan sal jy ‘n stok kry