Conrad Koch in die hof oor Steve Hofmeyr se beskermingsbevel

Steve Hofmeyr Foto: Reint Dykema, Solidariteit

Steve Hofmeyr Foto: Reint Dykema, Solidariteit

Die komediant en buikspreker Conrad Koch sal Donderdag die Afrikaanse sanger Steve Hofmeyr se interim beskermingsbevel teen hom in die Randburg-landdroshof teenstaan.

Hofmeyr het op 10 November ʼn hofbevel teen Koch, wat deur sy handpop “Chester Missing” bekendheid verwerf het, bekom. Volgens die bevel word Koch onder andere verbied om die sanger op Twitter te teister. Hy mag hom ook nie dreig of lasterlike uitsprake teen Hofmeyr maak nie. Hy mag ook nie sy naam op sosialemedia-webwerwe soos Twitter koppel nie en ook nie sy naam op televisie of tydens radio-onderhoude noem nie.

Hofmeyr het gesê Koch mag hom, sy borge of sy sakevennote glad nie direk of indirek kontak nie, totdat hy die “haatspraak” Donderdag in die hof verduidelik nie, het Beeld berig. Beeld het op 6 November berig Koch het gesê dit is “fundamenteel verkeerd” om regstappe teen ʼn satirikus te doen. Volgens die koerant het Koch gesê sy twiets teen Hofmeyr was nie haatspraak nie, want hy het nooit iets haatliks oor die sanger gesê of mense aangemoedig om sy borge of die fees [Afrikaans is Groot] te boikot nie.

Hofmeyr het op 23 Oktober op Twitter geskryf: “Sorry to offend but in my books blacks were the architects of apartheid. Go figure.”

Pick n Pay en Land Rover moes op 30 Oktober haastig ʼn besluit neem oor hul borgskappe by die Afrikaans is Groot-musiekfees waar Hofmeyr sou optree. Dit het gekom ná Koch se artikel in The Times, genaamd “Dear white supremacists…” waarin hy die borgskappe van die twee maatskappye bevraagteken.

Klik hier om die verloop van gebeure op Maroela Media te volg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Ivan

Roer hom Steve. Watter deel van hierdie sinsnede verstaan Koch nie ? “Sorry to offend but in my books blacks were the architects of apartheid. Go figure.”

zahn

Ai tog, wil iemand tog nie vir die simpel ventjie sê hy is glad nie so snaaks soos wat hy dink nie. Sy pop is mooier as hy, die hand wat die pop se mond manipuleer, weet beter wanneer om die bek toe te hou as die sogenaamde buikspreker self. Buikspreker? Nee wat, die man trek sy mond as hy probeer buikspreek, ek is seker ons dowe vriende sal hom ook kan verstaan. Hy is glad nie ‘n buiskpreker nie, eerder ‘n uitgesproke idioot wat dink hy is snaaks.

Eugene Steyn

Sterkte Steve en Dr, Dan Roodt!!! Dankie dat julle veg vir regverdige en verantwoordelike debat.’n Mens moet debat kan voer oor standpunte sonder om die persoon of sy werkgewers of borge aan te val.

Griet

Wat gaan aan met Pick n Pay en Land Rover????? Is Afrikaans sprekendes se geld nie goed genoeg vir hulle nie? Laat mens wonder waar jy volgende maand jou kruideniersware moet gaan koop………. of nie.

Jasper

Die vaakvis moes al lankal ge- teer en veer gewees het.