Covid-19: ‘Ergste is verby’ – Mkhize

Zweli Mkhize (Foto: Twitter)

Zweli Mkhize, die minister van gesondheid, het Sondag gesê die ergste van die Covid-19-krisis is verby.

“Ons is oor die kruin. Die Wes-Kaap het al meer as twee maande gelede sy plato bereik. KwaZulu-Natal se gevalle begin ook afneem, ” sê Mkhize.

Hy sê alhoewel die ergste verby is, moet die Covid-19-regulasie steeds streng nagekom word en voorsorgmaatreëls van krag bly om die verspreiding van die virus te bekamp.

Suid-Afrika het sedert Saterdag 2 728 nuwe gevalle van Covid-19 aangeteken, wat die algehele getal gevalle teen Maandag op 609 773 te staan bring. ʼn Totaal van 13 059 mense het weens die virus omgekom en 506 470 het reeds herstel.

Mkhize sê op hierdie stadium is daar nie ʼn tekort aan beskermingstoerusting (PPE) nie, maar die land ervaar wel ʼn uitdaging wat betref die administrasie van die toerusting. Dit volg veral na die Gautengse PPE-kontrakskandaal, waar tenders vir veral Covid-19-toerusting aan mense met ANC-bande of hul onmiddellike familie en vriende toegeken is.

“Die verslae oor korrupsie is verwoestend. Mense misbruik hul magsposisie om voordeel te trek uit die regering se hulpbronne. Ons veroordeel hierdie korrupte gedrag ten sterkste en sal saam met ons wetstoepassers werk om alle korrupsie met wortel en tak uit te roei,” sê Mkhize.

Tedros Adhanom Ghebreyesus, die direkteur-generaal van die Wêreldgesondheidsorganisasie (WGO), het Vrydag tydens ʼn mediakonferensie in Genève, Switserland, gesê indien gesondheidswerkers in Suid-Afrika sterf weens die PPR-korrupsie in die regering, sal dit gelykstaande aan moord wees.

“Gesondheidswerkers wat sonder beskermingstoerusting werk, se lewens word in gevaar gestel. Hulle plaas ook die pasiënte met wie hulle werk se lewens in gevaar. Daarom is die PPE-korrupsie onaanvaarbaar,” sê Ghebreyesus.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Misky

Covid se ergste dalk verby, maar dink nie die ANC se korrupsie nie en die kaders wil nog skep

Persheks

So is dit nou oor of nie? Regtig julle maak naar verby. Die korrupsie word erger en niemand doen niks omtrent dit nie net leë woorde.

Kom kom ons wag vir die oranje uitrustings!

JohanR

Ergste is verby. Praat jy nou van Covid-19 Mkhize, of van die ANC? Die ergste was al middel Julie verby, maar julle agenda was nog nie verby. Waaneer word ‘n onafhanklike lewenstyloudit op President Nkosazana Dlamini-Zuma gedoen? Jy weet een van daai waar ANC skelms nir aangestel word om ANC skelms te ondersoek nie!

Chris

Die anc praat net oor korupsie stop, hulle sal dit nooit doen nie. Hulle kan nie bekostig dat al die koruptus in die anc tronk toe gaan nie ,daar is nie genoeg tronke nie

saggiespraat

Winter is nog nie verby nie….