Covid-19: Meer bekend oor man in SA

OR Tambo (Foto verskaf aan Maroela Media)

Die minister van gesondheid, dr. Zweli Mkhize, het aansienlik meer inligting verskaf oor die eerste geval van die nuwe koronavirus (Covid-19) in Suid-Afrika, hoe die persoon die land ingekom het, watter veiligheidsmaatreëls getref word en wie in gevaar is.

Mkhize het die parlementêre perskorps toegespreek nadat die eerste bevestigde Suid-Afrikaanse geval, ‘n 38-jarige man met ‘n vrou en twee kinders van KwaZulu-Natal, Donderdagoggend gediagnoseer is.

Die man en sy vrou het saam met ‘n groep mense vakansie gehou in Italië, wat tans saam met China en Iran die kernpunte van die siekte in die wêreld is. Hy het op 1 Maart die land binnegekom deur die OR Tambo-lughawe en vandaar na Durban gevlieg, maar ondanks al die voorsorgmaatreëls het niemand iets agtergekom nie, want hy was in die inkubasietydperk van veertien dae – die venstertydperk wanneer die virus aanwesig is, maar onmoontlik is om na te speur.

Die pasiënt se status het bekend geword nadat hy sy huisdokter gaan spreek het, wat die nodige toetse gedoen het, wat toe deur die Sentrum vir Oordraagbare Siektes in Pretoria nagegaan is.

Die man is nou in kwarantyn by ‘n mediese instelling in KwaZulu-Natal. Sy vrou en kinders is in tuiskwarantyn. Hulle mag nie skool of werk toe gaan nie.

Mkhize wil nie tans sê waar in KwaZulu-Natal die mense vandaan is nie, om onnodige paniek te voorkom. Hy het wel onderneem om die naam van die gemeenskap binnekort bekend te maak.

Die mense wat in die paar rye rondom die man op die vliegtuig gereis het, word ook nou gekontak om getoets te word.

Mkhize het gesê ‘n oudit is gedoen en die land blyk genoeg opgepotte gesigmaskers, handskoene en medies beveiligde klere te hê, omdat Suid-Afrika altyd goed voorberei is hiervoor – deels omdat die land soveel hulp moet verleen wanneer siektes elders in Afrika uitbreek.

Van vandag af sal die departement van gesondheid elke dag ‘n bulletin oor die stand van die virus in Suid-Afrika uitreik.

In ‘n parlementêre debat Donderdagmiddag het veral die DA, EFF en VF Plus hul kommer uitgespreek oor al die versekerings van goeie voorbereiding, veral gegewe die algemene stand van staatsbeheerde gesondheidsorg in die land.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Karen

Little too late DA, EFF & VF+! Ons het mos geweet dis ‘n kwessie van tyd. Ek glo vas dit is die 1e geval wat bevoegtheid dit kon reg diagnoseer het. Dis lankal in die land.

Louis

Lande waar die mediese strukture 200% beter fuksioneer as die in SA kon nie die verspreiding van die virus keer nie. Hoekom sal ons gespaar word daarvan? Al die pasasiers van die vlug waar ‘n lugreeling in die vliegtuig is voorspel niks goed nie. Hoeveel internasionale vlugte land in SA en watter beheer het die regering oor die vlugtelinge en onwettige kruisings oor SA se grense. Die vigs epidemie is redelik onder beheer, maar hoeveel word daagliks steeds geinfekteer.

Lorna

Nou ja net vanoggend praat ek op kantoor met Indian vrou
Sal sy toe sê SA gaan die een vryspring wonder toe of sy enige idee het van wat in wereld aangaan Duidelik nie
My woorde was skaars koud toe in virus hier
Hul kan tenminste die area bekend maak

netMYopinie

“Die mense wat in die paar rye rondom die man op die vliegtuig gereis het,”
Moet dit nie wees ‘vliegtuie’ nie?
En wat van die lugwaardinne wat moontlik verversings aan hom verkoop het of sy glasie/ koeldrank houer moes weggooi?

Sean

Jy praat nonsens meneer die president Niemand gaan met n droee keel of ligte hoesie dokter toe nie Mens gaan eers dokter toe as jy werklik siek is Dws die man is al reeds sondag siek gewees toe hy deur jou “oop” lughawe is