Covid-19: Nog 13 mense sterf

Dr. Zweli Mkhize (Foto: Jairus Mmutle/GCIS)

Altesaam 5 951 bevestigde gevalle van die nuwe koronavirus wat Covid-19 veroorsaak is nou in Suid-Afrika aangemeld, ’n toename van 304 gevalle in die afgelope 24 uur.

Nog 13 sterftes is intussen in die land aangemeld. Die sterftes is in die Wes-Kaap, Gauteng, KwaZulu-Natal en die Oos-Kaap aangemeld. Dit bring die dodetal op 116 te staan.

Dr. Zweli Mkhize, minister van gesondheid, het Vrydagaand in sy jongste verklaring gesê 2 382 pasiënte in Suid-Afrika het reeds van Covid-19 herstel.

Altesaam 9 992 Covid-19-toetse is sedert Donderdag uitgevoer. Altesaam 217 522 toetse is tot op hede in die land gedoen.

Die Wes-Kaap is steeds die provinsie met die meeste gevalle van Covid-19 (2507) gevolg deur Gauteng met 1 507 gevalle.

So lyk herstel van pasiënte per provinsie:

ProvinsieAantal gevalleAantal pasiënte reeds herstel
Oos-Kaap691254
Vrystaat11895
Gauteng1 507948
KwaZulu-Natal1 006372
Limpopo3425
Mpumalanga3518
Noordwes3516
Noord-Kaap1813
Wes-Kaap2 507641
Totaal                  5 9512 382

 

Wil jy op die hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief. 

*Maroela Media is bewus daarvan dat daar soms teenstrydighede is in die Covid-19-syfers wat in berigte aangehaal en op grafieke aangedui word. Die syfers word egter net so oorgedra uit inligting wat van die departement van gesondheid ontvang word. – Red.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Barbara

Ek persoonlik dink ons land toets te min mense per dag.

Rodger17

Hierdie regering moet wakkerskrik!Hanteer die positiewe gevalle deur inperking en kwarantyn daar waar dit hoog is.Verslap die inperking waar gevalle minimaal is.Kyk bv Vrystaat,118 gevalle en 95 het herstel,Noordkaap,18 gevalle en 13 herstel!Tree op daar waar die epicentres is en perk daar in.Die mense in beheer van SA is rerig nou nie van die skerpste potlode in die pakkie as dit by belangrike besluite kom nie,weereens anc!Skrik net wakker asb!

Willem

Korrek dis lyk my net die Wes Kaap wat reg toets en tel

DieKriek

Hoekom is SA se sterftesyfer om en by 2% terwyl die hele wêreld (n baie groter monster) s’n ongeveer 7% is? Onkunde, leuns, verskuilde agenda?

netekalleen

Ek glo nie die korekte getalle word hier uitgegee nie. Eyeblinding vir die res van die wereld dat dit lyk asof ons regering weet wat hulle doen