Foto bloot ter illustrasie. (Foto: Unsplash)
Altesame 6 372 nuwe Covid-19-gevalle is in Suid-Afrika aangemeld, wat die land se positiwiteitskoers laat opskiet.
Volgens die Nasionale Instituut vir Oordraagbare Siektes (Nios) is ʼn totaal van 3 776 298 bevestigde Covid-19-gevalle al in die land aangemeld en is die jongste positiwiteitskoers 21,1%. Dit nadat die positiwiteitskoers skaars meer as 18% met die vorige verslag was.
Die meeste nuwe gevalle is in Gauteng (49%) aangemeld, gevolg deur KwaZulu-Natal (23%) en die Wes-Kaap (14%). Die totale getal aktiewe gevalle is 37 860.
Die sterftesyfer weens Covid-19 staan nou op 100 351 nadat nog drie sterftes in die afgelope 24 tot 48 uur plaasgevind het. Die departement van gesondheid het gesê weens ʼn voortgesette oudit kan daar ʼn agterstand wees in die aantal sterftes wat aangemeld is.
Tot dusver het 3 638 087 mense reeds van die virus herstel, wat ʼn herstelkoers van 96,3% verteenwoordig.
Suid-Afrika het tot dusver 24 400 471 toetse vir Covid-19 gedoen, waarvan 30 186 sedert die vorige verslag gedoen is.
Volgens Nios was daar in die afgelope 24 uur 62 hospitaalopnames en is daar tans altesaam 2 028 mense wat in hospitale vir Covid-19 behandel word.
Meer as 34,7 miljoen inentings is tot dusver gedoen.
Provinsiale statistieke:
| Provinsie | Nuwe gevalle | Aktiewe gevalle |
| Oos-Kaap | 252 | 1 369 |
| Vrystaat | 241 | 1 935 |
| Gauteng | 3 145 | 13 512 |
| KwaZulu-Natal | 1 440 | 11 440 |
| Limpopo | 67 | 350 |
| Mpumalanga | 166 | 848 |
| Noordwes | 113 | 773 |
| Noord-Kaap | 68 | 575 |
| Wes-Kaap | 880 | 7 058 |
| Totaal | 6 372 | 37 860 |
Sterftes en persone wat herstel het:
| Provinsie | Sterftes | Herstel |
| Oos-Kaap | 16 619 | 329 688 |
| Vrystaat | 7 685 | 194 393 |
| Gauteng | 20 691 | 1 202 441 |
| KwaZulu-Natal | 16 076 | 645 679 |
| Limpopo | 4 617 | 151 477 |
| Mpumalanga | 4 705 | 189 081 |
| Noordwes | 4 794 | 188 595 |
| Noord-Kaap | 3 220 | 105 621 |
| Wes-Kaap | 21 944 | 631 112 |
| Totaal | 100 351 | 3 638 087 |
Daar is 6372 gevalle en daar is ongeveer 60 000000 mense in suid afrika. Sal dit nou nie as noemenswaardig sien nie.
Uit ‘n bevolking van 60 000 000 is daar in totaal 37860 of 0.0631% aktiewe positiewe gevalle. Uit ‘n bevolking van 60 000 000 is daar 6372 of 0.0106% nuwe positiewe gevalle. Asof dit nou vreesaanjaende syfers is ? Die media jaag die histerie aan.
Yea right. Terwyl ons wag vir die sg uitslae van komentaar op voorgestelde wetgewing
Presies Sarie. Ons weet almal wat die uitslag van die voorgestelde wetgewing gaan wees.
Yep. Stemme is reeds getel
Dis soos die Biden-stemme wat hulle onder ‘n tafel “gevind” het.
“So What” as dit groei. Wat is daar verwag. Dat kopdoek nou maar weer haar beheer oor haar mense neem en klaarkry. Dit is iets waarmee saamgeleef moet word en klaar. Die een wat nie na homself wil kyk nie “tuff luck”.
.My vriend se vrou het beide haar spuite gehad en het vanoggend positief getoets vir covid.Moet jy gaan vir die “booster”of nie of moet jy gaan vir die griep inspuiting.
Bangmaak stories… dit word nou as ‘n verkoue behandel deur goie dokters.
Ek het gewone verkoue gehad en nogtans het dit ‘n positiewe PCR toets opgelewer.