Suid-Afrika het nou meer as 1 494 000 bevestigde Covid-19-gevalle met 1 210 nuwe gevalle wat aangemeld is.
Dr. Zweli Mkhize, minister van gesondheid, het Dinsdagaand bevestig dat 1 494 119 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 48 313 nadat nog 219 sterftes aangemeld is: 20 in die Oos-Kaap, nege in die Vrystaat, 56 in Gauteng, 43 in KwaZulu-Natal, 29 in Limpopo, tien in Mpumalanga, 14 in die Noord-Kaap en 38 in die Wes-Kaap.
Tot dusver het 1 396 951 mense reeds van die virus herstel; dit is ’n herstelkoers van 93,5%.
Suid-Afrika het tot dusver 8 737 330 toetse vir Covid-19 gedoen, 24 486 sedert die vorige verslag.
Provinsiale statistieke:
Provinsie | Gevalle | Persentasie |
Oos-Kaap | 193 413 | 12,9% |
Vrystaat | 78 756 | 5,3% |
Gauteng | 399 168 | 26,7% |
KwaZulu-Natal | 325 279 | 21,8% |
Limpopo | 60 829 | 4,1% |
Mpumalanga | 69 157 | 4,6% |
Noordwes | 59 618 | 4% |
Noord-Kaap | 33 162 | 2,2% |
Wes-Kaap | 274 737 | 18,4% |
Totaal | 1 494 119 | 100% |
Sterftes en persone wat herstel het:
Provinsie | Sterftes | Herstel | Aktiewe gevalle |
Oos-Kaap | 11 150 | 181 385 | 878 |
Vrystaat | 3 010 | 68 639 | 7 107 |
Gauteng | 9 295 | 384 945 | 4 928 |
KwaZulu-Natal | 9 359 | 299 053 | 16 867 |
Limpopo | 1 662 | 57 971 | 1 196 |
Mpumalanga | 1 199 | 66 422 | 1 536 |
Noordwes | 1 057 | 52 999 | 5 562 |
Noord-Kaap | 641 | 29 517 | 3 004 |
Wes-Kaap | 10 940 | 256 020 | 7 777 |
Totaal | 48 313 | 1 396 951 | 48 855 |
Ons moet maar begin kyk na entstof wat ook Ebola beveg, want dit broei neffens ons kamma-grensdrade. Met die hekke weer amptelik oop en 14 000 onwettige migrante in een maand getel, is erger probleme aan die oplaai. Ons staatshospitale sien nou nie eens kans vir iemand met ‘n stukkende toon nie…
1210 gevalle. Regverdig dit steeds advanced level 3? Die regering maak tans meer mense dood as die virus
Ek wens net hulle wil ophou om te vertel hoeveel gevalle daar nou tot op datum was.
Dit lyk en klink dan vreeslik erg.
Dit maak dat ons op level 3 bly. (SAL die ANC dan ooit die noodtoestand stop???)
Sê net daar is nog 2500 positiewe gevalle.
Dit is dieselfde as ek sê ek het nou al R 7 200 000-00 verdien. (Ek klink baie ryk)
Dit gee jou maar R 15 000-00 per maand oor die afgelope 40 jaar.
KZN se 16 000 aktiewe gevalle is proportioneel heeltemaal te hoog. Dit word nie bevestig deur hulle dodetal of enige ander stats nie. Dit lyk vir my asof hulle stats verkeerd is. Sal graag wil hoor hoe hulle dit verklaar.