Covid-19-statistieke: Meer as 18 000 nuwe gevalle

(Argieffoto: Unsplash)

Suid-Afrika het nou altesaam 35 140 bevestigde Covid-19-verwante sterftes nadat nog 806 nuwe sterftes bevestig is.

Volgens dr. Zweli Mkhize, minister van gesondheid, was 150 hiervan in die Oos-Kaap, 24 in die Vrystaat, 211 in Gauteng, 235 in KwaZulu-Natal, 14 in Limpopo, 14 in Mpumalanga, sewe in die Noord-Kaap en 151 in die Wes-Kaap.

Nog 18 555 nuwe gevalle is ook aangeteken.

Tot dusver is 1 278 303 gevalle van die virus in Suid-Afrika bevestig en 1 030 930 mense het reeds herstel, ʼn koers van 80,6%.

Suid-Afrika het in hierdie stadium 212 233 aktiewe gevalle van Covid-19. Die meeste aktiewe gevalle is in KwaZulu-Natal – met 69 599 gevalle – gevolg deur Gauteng (47 919) en die Wes-Kaap (42 473).

Meer as 7,3 miljoen Covid-19-toetse is gedoen, waaronder 71 681 toetse sedert die vorige verslag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.