(Grafika: pixabay)
Suid-Afrika het 164 nuwe Covid-19-sterftes bevestig wat die dodetal nou op 18 656 te staan bring.
Dr. Zweli Mkhize, minister van gesondheid, sê 46 bykomende sterftes is in die Oos-Kaap aangemeld, 41 in die Vrystaat, 52 in Gauteng, een in Mpumalanga, twee in die Noord-Kaap, agt in die Wes-Kaap, nege in KwaZulu-Natal en vyf in Limpopo.
Die herstelkoers staan steeds op 90% en 639 568 mense het reeds van die virussiekte herstel nadat 706 304 mense positief vir die virus getoets het.
Altesaam 1 050 nuwe gevalle is teen Dinsdagaand bevestig.
Gauteng, met 225 734 oftewel 32% van gevalle, het teen gister die meeste bevestigde gevalle van die virus gehad. Die provinsie word gevolg deur KwaZulu-Natal met 121 528 (17,2%) gevalle en die Wes-Kaap met 114 667 (16,2%).
Meer as 4,5 miljoen mense in die land is reeds vir Covid-19 getoets.
Sug. Die daily scorecard kan nou maar vervang word met scorecard aantonend die herstelkoers en indien moontlik ook die hospitalisasie koers.
En binnekort, nou na die Senekal byeenkoms sonder maskers of afstande, gaan dit waarskynlik hemelhoog wees, want ons is mos onaantasbaar.