Terwyl Suid-Afrika se herstelkoers weens Covid-19 steeds op 90% staan, is 29 nuwe sterftes bevestig.
Dr. Zweli Mkhize, minister van gesondheid, het Saterdagaand gesê dit bring die sterftesyfer op 16 938 te staan. Een nuwe sterfte is in die Oos-Kaap aangemeld, 11 in KwaZulu-Natal, twee in Gauteng, sewe in die Wes-Kaap en agt in die Vrystaat.
Tot dusver het 612 763 mense reeds van die virussiekte herstel, terwyl ʼn algehele 679 716 positiewe gevalle bevestig is.
Meer as 4,2 miljoen toetse is reeds vir Covid-19 gedoen en 1 883 nuwe gevalle is bevestig.
Só lyk die aktiewe gevalle:
Oos-Kaap: 1 264
Vrystaat: 13 391
Gauteng: 19 496
KwaZulu-Natal: 5 857
Limpopo: 743
Mpumalanga: 691
Noordwes: 2 872
Noord-Kaap: 2 629
Wes-Kaap: 3 072
Landwyd: 50 015
Is dit nou n bank staat van die asbes kontrak? Hoop hy oefen hoe om rys water te drink?