Suid-Afrika het nou amper 600 000 bevestigde Covid-19-gevalle aangemeld.
Dr. Zweli Mkhize, minister van gesondheid, het Donderdagaand bevestig dat 599 940 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 12 618 nadat nog 195 sterftes aangemeld is: 26 in die Oos-Kaap, 83 in Gauteng, 36 in KwaZulu-Natal, 25 in die Vrystaat, 12 in Limpopo en 13 in die Wes-Kaap.
Tot dusver het 497 169 mense reeds van die virus herstel. Dit is ʼn herstelkoers van 82%.
Suid-Afrika het tot dusver 3 480 283 toetse vir Covid-19 gedoen, 24 612 sedert die vorige verslag.
Provinsiale statistieke:
Provinsie | Gevalle | Persentasie |
Oos-Kaap | 84 586 | 14,1% |
Vrystaat | 33 665 | 5,6% |
Gauteng | 202 955 | 33,8% |
KwaZulu-Natal | 108 080 | 18% |
Limpopo | 12 086 | 2% |
Mpumalanga | 22 459 | 3,7% |
Noordwes | 23 868 | 4% |
Noord-Kaap | 8 575 | 1,4% |
Wes-Kaap | 103 616 | 17,3% |
Onbekend | 50 | 0% |
Totaal | 599 940 | 100% |
Sterftes en mense wat herstel het:
Provinsie | Sterftes | Herstel | Aktiewe gevalle |
Oos-Kaap | 2 696 | 79 947 | 1 943 |
Vrystaat | 567 | 19 779 | 13 319 |
Gauteng | 3 144 | 169 299 | 30 512 |
KwaZulu-Natal | 1 824 | 83 094 | 23 162 |
Limpopo | 171 | 10 526 | 1 389 |
Mpumalanga | 214 | 19 530 | 2 715 |
Noordwes | 214 | 16 948 | 6 706 |
Noord-Kaap | 100 | 5 154 | 3 321 |
Wes-Kaap | 3 688 | 92 892 | 7 036 |
Totaal | 12 618 | 497 169 | 90 103 |
Wil jy op die hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.
Suid-Afrika het nie ‘n entstof ontdek nie maar is die enkele plek op hiedie aardbol waar die virus nie ‘n houvas het nie. Die land kan dalk baie geld verdien deur buitelanders vir ‘n maand lank hierheen te nooi teen betaling. Besoekers doen die virus op(dalk), herstel gou-gou(gewaarborg) en siedaar, die virus is wereldwyd oorwin!
as 50 mense in ‘n klein kerkie saamtrek is hy stampvol, as 50 mense in ‘n groot kerk saamtrek is die plek steeds amper leeg, so dit sou seker beter gewees het om die vlak 2 reël op getalle met die grootte van ‘n spasie te gekoppel het, maar ons regering dink nie logies nie, so dis sommer net 50 en klaar
Hulle moet bietjie die rug sak by apartheid vat so dat wiskunde hom bietjie kan dra, want die somme maak storie is gevaarlik