Daar is nog geen aanduiding hoeveel mense Maandag ingeënt is nie. (Foto: Dr. Zweli Mkhize/Twitter)
Die eerste dag van die tweede fase van Suid-Afrika se massa-entstofverspreidingsprogram vir Covid-19 het “betreklik goed” verloop in die onderskeie provinsies.
Dr. Zweli Mkhize, minister van gesondheid, sê egter beurtkrag – wat Sondag in werking gestel is en tot enkele ure gelede nog geduur het – asook gewelddadige betogings in die Vrystaat, het die grootste uitwerking op die program gehad.
Volgens Mkhize kon die meeste entstofsentrums hul werk voortsit. Talle van die data oor inentings is met die hand gedoen en die syfers moet nog gerekonsilieer word. Dieselfde moet met die getalle by ouetehuise gedoen word.
Die inentingsgetalle vir die tweede fase van die program sal gevolglik van Dinsdag af bekend gemaak word.
Mkhize sê die departement gaan ʼn paneelbord bekend stel wat die inentingsgetalle in reële tyd sal aandui.
Verskeie gemeenskapsleiers ouer as 60 jaar het na vore gekom om in die openbaar ingeënt te word.
Emeritus aartsbiskop Desmond Tutu was een van die gemeenskapsleiers ouer as 60 wat die entstof ontvang het. (Foto: Twitter)
“Ons is diep dankbaar vir hul patriotisme en leierskap en weet dit gaan help om vertroue in die entstowwe en die entstofproses te skep.”
Mkhize het ook weer ʼn beroep op alle gesondheidswerkers, ook tradisionele genesers, asook burgers ouer as 60 jaar, gedoen om vir die program te registreer.
Só lyk syfers
Intussen is 1 757 nuwe gevalle van die virus bevestig wat die algehele syfer op 1 615 485 te staan bring.
Aktiewe getalle staan tans op 33 587.
Nog 50 bykomende sterftes is ook bevestig. Hiervan was vier in die Oos-Kaap, 30 in die Vrystaat, ses in Gauteng, agt in die Noord-Kaap en twee in die Wes-Kaap. Geen sterftes is in KwaZulu-Natal, Limpopo, Mpumalanga of Noordwes aangemeld nie. Die algehele sterftesyfer weens Covid-19 is nou 55 260.
Altesame 19 505 toetse vir Covid-19 is gedoen, waarvan 59% in die private sektor.
Die herstelkoers is effens minder – dit staan nou op 94,5% – en tot dusver het 1 526 638 mense van die virus herstel.
| Provinsie | Sterftes | Reeds herstel | Aktiewe gevalle |
| Oos-Kaap | 11 619 | 184 660 | 331 |
| Vrystaat | 4 048 | 85 101 | 5 811 |
| Gauteng | 10 881 | 416 761 | 7 679 |
| KwaZulu-Natal | 10 459 | 322 907 | 4 724 |
| Limpopo | 2 336 | 61 766 | 360 |
| Mpumalanga | 1 421 | 77 557 | 1 056 |
| Noordwes | 1 798 | 64 489 | 4 908 |
| Noord-Kaap | 987 | 37 797 | 6 159 |
| Wes-Kaap | 11 711 | 275 600 | 2 559 |
| Totaal | 55 260 | 1 526 638 | 33 587 |
Beurtkrag is nie veronderstel om ‘n probleem te wees nie, by alle mediese sentrums moet bystand kragopwekkers wees. As dit nie so is nie beteken dit dat die regering nie omgee vir mense se lewens en dit sien ek as poging tot moord. Daar is geld vir blink motors en nie vir opwekkers.
Nie ‘n woord word gerep oor die patriotisme van wittes nie! Patetiese en rassistiese spul.
Daar sal altyd n verskoning wees hoekom iets nie gedoen word nie. Wat is die volgende verskoning?
“Dis nie my skuld nie”.
Dit klink of daar diep beplanning vooraf gemaak is… Eintlik is ek verbaas dat ons enigsins soveel mense ingeent het. Maar meeste mense met wie ek praat se hou verby.
Vlieg !
Twee familielede van my, albei in die mediese beroep, is onlangs ingeënt. ‘n Paar dae later het bloedtoetse gewys dat die antiliggaampies in hul bloed wat die covidvirusse vernietig baie vermeerder het. Hulle is dus immuun teen covid of sal dit slegs in ‘n ligte graad opdoen. Snaaks genoeg, nie een van hulle het bloedklonte of ander ellendes opgedoen weens die entstof nie. Diegene onder ons wat so gekant is teen inenting benadeel dalk net hulself of hul gesinne.
Moenie te gou praat nie.