Covid-19-statistieke: Byna 135 000 aktiewe gevalle in SA

Argieffoto ter illustrasie (Foto: Unsplash)

Altesaam 1 417 537 mense in Suid-Afrika het nou reeds Covid-19 opgedoen nadat nog 4 551 pasiënte in die laaste siklus van 24 uur positief getoets het.

Dr. Zweli Mkhize, minister van gesondheid, het Maandagaand in sy gebruiklike verklaring gesê nog 243 pasiënte het intussen weens Covid-19 gesterf. Dié sterftes is onderskeidelik in die Oos-Kaap (65), die Vrystaat (18), Gauteng (33), KwaZulu-Natal (60), Mpumalanga (5), die Noord-Kaap (5) en die Wes-Kaap (57) aangemeld.

Dit bring die land se dodetal op 41 117 te staan.

Volgens Mkhize het 1 241 421 pasiënte in Suid-Afrika egter reeds van die koronavirus herstel, met ʼn herstelkoers van 87,6%.

Nog 26 113 toetse is intussen uitgevoer. Die land het nou reeds 8 019 239 toetse sedert die uitbreek van die virus gedoen. Die meeste van die toetse is in die private sektor uitgevoer.

Sterftes en persone wat herstel het:

ProvinsieSterftesHerstelAktiewe gevalle
Oos-Kaap10 137176 7713 618
Vrystaat2 64361 37410 101
Gauteng7 675354 53919 360
KwaZulu-Natal7 432250 19546 528
Limpopo1 02347 5976 039
Mpumalanga87854 3345 665
Noordwes87740 16513 839
Noord-Kaap55126 0564 477
Wes-Kaap9 901230 39025 372
Totaal41 1171 241 421134 999

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Stephan

Dit bly baie opvallend dat Limpopo vir die tweede agtereenvolgende dag geen sterfgevalle aangemeld het nie maar dat die Noordkaap eergister 2, en gister 5 gevalle gerapporteer het.
Hoe betroubaar is hierdie syfers regtig?

Alet

Wat ek wonder is die feit wat genoem word meeste toetse is deur die privaatsektor gedoen. Wat doen die regering dan behalwe om die fondse te plunder en entstowwe to monopoliseer dat dit ook geplunder kan word.

ONTPS

Natuurlik sal minder mense positief toets as minder toetse gedoen word…

Die Wolf

Ten minste is daar een entiteit wat kop bo water gehou het gedurende die tydperk.

Baardman

Gee kans tot voor die noodtoestand weer verleng moet word, dan kom al die agterstallige resultate weer op een slag deur