Die nasionale instituut vir oordraagbare siektes het Vrydag net een nuwe Covid-19-verwante sterfte aangeteken. Die getal nuwe gevalle (1 560) en positiwiteitskoers (6,2%) is ook laer as wat Donderdag aangeteken is.
Volgens dié syfers het Gauteng weer die meeste nuwe gevalle aangeteken (545), gevolg deur die Wes-Kaap (384) en KwaZulu-Natal (325). Die Noord-Kaap het net 23 nuwe infeksies aangeteken.
Provinsie | Nuwe gevalle |
Oos-Kaap | 75 |
Vrystaat | 59 |
Gauteng | 545 |
KwaZulu-Natal | 325 |
Limpopo | 38 |
Mpumalanga | 33 |
Noordwes | 78 |
Noord-Kaap | 23 |
Wes-Kaap | 384 |
Net 35 mense is Vrydag in die hospitaal opgeneem met Covid-19, wat die totale getal mense wat tans in die hospitaal is, op 1 971 te staan bring. ʼn Totaal van 76 417 mense is Vrydag ingeënt. Net meer as 19 miljoen volwassenes is nou al ten volle ingeënt. Die getal Suid-Afrikaners wat nou al ten minste een dosis van die inenting gekry is, is 20 868 945. Dit sluit 1 539 000 kinders tussen die ouderdom van 12 en 17 jaar in.