Covid-19-statistieke: Een nuwe sterfte aangemeld

(Argieffoto: Unsplash)

Suid-Afrika het nou 3 658 547 laboratorium-bevestigde gevalle van Covid-19 nadat nog 1 456 nuwe gevalle bevestig is.

Slegs een sterfte is in die vorige 24 tot 48 uur aangemeld, met nog 49 sterftes wat bygewerk is. Dit bring die algehele syfer op 98 667 sterftes te staan, sê die Nasionale Instituut vir Oordraagbare Siektes (Nios).

Die getal nuwe positiewe gevalle is 7,2%, ʼn daling van die 7,5% van ʼn dag tevore. Die sewe dag gemiddeld staan nou op 8%, ook ʼn effense daling van die 8,1% van ʼn dag tevore.

Die meeste nuwe gevalle is steeds in Gauteng (39%) en die Wes-Kaap (20%), gevolg deur KwaZulu-Natal (12%), Noordwes (9%), Mpumalanga (7%), die Vrystaat (5%), die Oos-Kaap en Limpopo (3% elk) en die Noord-Kaap (2%).

Nog 17 mense met Covid-19 is in hospitale opgeneem en tans word 3 256 mense wat positief vir die virus getoets het, in hospitale landwyd behandel.

Meer as 22,8 miljoen laboratoriumtoetse is sedert die uitbreking van die pandemie gedoen en net meer as 20 000 hiervan sedert die vorige verslag.

Altesame 6 111 dosisse van die entstof is Sondag toegedien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
Jacob

Hoekom mense nog die eksperimentele mRNA inspuitings neem, gaan my verstand te bowe. Soos Bill Gates onlangs op die Munich Security Conference 2022 verklaar het; “Sadly the virus itself, particularly the variant called Omicron is a type of vaccine, that is it creates both B cell and T cell immunity and it’s done a better job of getting out to the world population than we have with vaccines. If you do serosurvey in African countries, you get well over 80% of people either exposed to the vaccine or various variants. You know what it does is the chance of severe… Lees meer »

Jaco

Een nuwe sterfte en daars allerhande inperkings en reëls oor maskers en handreinigers, toerisme bestaan omtrent nie meer nie en geen toeskouers word by sportbyeenkomste toegelaat nie. Hoe lank gaan dié nonsens nog aanhou?

Rayman

49 Sterftes is aangemeld en sleg 1 strefte die vorige 24-48 uur, nou wanneer is die ander 48 dan dood, hierdie syfers maak niks sin nie, gaan kyk maar elke dag se bog statstieke wat uitkom daar is soveel dood en net paar in die 24-48 uur, jaag die regering syfers na om iemand te probeer flous

Robert

6,859 moorde tussen Okt-Des 2021 maar covid is die groot gevaar.

Abigail

Kan iemand my inlig asb: 1 is dood, maar 49 word bygewerk. Die vorige dag weer is gesê: NÓG! 319 sterftes aangedui sedert die ‘vorige verslag’, maar maar enkele sterftes is in 24 uur, en die vorige verslag was dan ń dag vantevore. ¿¿¿ Is daar asb ń kundige by MM wat dit aan ons kan verduidelik?
Sal baie waardeer.