Argieffoto (Foto: Fernando Zhiminaicela/Pixabay)
Zweli Mkhize, die minister van gesondheid, het Saterdagaand die jongste Covid-19-statistieke vir Suid-Afrika bekendgemaak.
Altesaam 669 498 gevalle is tot dusver aangemeld waarvan 969 gevalle sedert die vorige verslag. Minstens 4 128 438 toetse is reeds gedoen. Dit is 11 359 toetse die afgelope 24 uur.
Nog 64 sterftes is aangemeld (5 in die Oos-Kaap, 4 in KwaZulu-Natal, 43 in Gauteng, 11 in Mpumalanga, 1 in die Wes-Kaap). Dit bring die dodetal op 16 376 te staan.
Minstens 601 818 persone (89,9%) het reeds herstel.
Gauteng (19 725) en die Vrystaat (13 471) het tans die meeste aktiewe gevalle.
Provinsiale statistiek:
| Provinsie | Gevalle | Persentasie |
|---|---|---|
| Oos-Kaap | 88776 | 13.3 |
| Vrystaat | 45877 | 6.9 |
| Gauteng | 218861 | 32.7 |
| KwaZulu-Natal | 118608 | 17.7 |
| Limpopo | 15191 | 2.3 |
| Mpumalanga | 26934 | 4.0 |
| Noordwes | 28891 | 4.3 |
| Noord-Kaap | 16065 | 2.4 |
| Wes-Kaap | 110295 | 16.5 |
| Totaal | 669498 | 100 |
Sterftes en persone wat herstel het:
| Provinsie | Sterftes | Herstel | Aktiewe gevalle |
|---|---|---|---|
| Oos-Kaap | 3103 | 84574 | 1099 |
| Vrystaat | 838 | 31568 | 13471 |
| Gauteng | 4201 | 194935 | 19725 |
| KwaZulu-Natal | 2621 | 109604 | 6383 |
| Limpopo | 386 | 14054 | 751 |
| Mpumalanga | 520 | 25615 | 799 |
| Noordwes | 350 | 25466 | 3075 |
| Noord-Kaap | 197 | 12959 | 2909 |
| Wes-Kaap | 4160 | 103043 | 3092 |
| Totaal | 16376 | 601818 | 51304 |
So stil stil het die sterfte syfer in Gauteng die WesKaap verby gesteek. Maar met dubbel die infeksies….
Iemand steek iets weg of hulle tel soos ons oud president se skaal van wigte en teen wigte….
Die Vrystaat se hoë “aktiewe” gevalle waaroor ek al vroeër kommentaar gelewer het, is ‘n administratiewe of rapporteringsfout.
‘n Beter manier om te tel as mens nie die midelle het om op te volg nie, is hoeveelheid infeksies jonger as twee weke.
Die pandemie wat toe nie was nie se oorblywende “redes” vir inperking verdwyn nou soos mis voor die son. So ook die lekker histerieverspreiding deur die hoofstroommedia. Die skulderkenning oor die Zim-vlug is ‘n vulletjie teen die een wat verskuldig is oor die skade wat deur inperking berokken is.