Die aantal nuwe Covid-19-gevalle wat Maandag aangeteken is, is heelwat minder vergeleke met die vorige twee dae.
Die Nasionale Instituut vir Oordraagbare Siektes (Nios) het 5 575 nuwe gevalle aangeteken teenoor die 8 791 en 12 528 gevalle wat onderskeidelik Sondag en Saterdag aangemeld is.
Dit is ook laer as die gemiddelde getal nuwe gevalle oor die vorige sewe dae (11 256).
Die afname verteenwoordig ’n positiwiteitskoers van 21,9%.
Daar is tans 150 933 aktiewe gevalle in Suid-Afrika, wat die algehele getal bevestigde laboratoriumgevalle op 2 461 758 te staan bring.
Die algehele sterftesyfers is nou 72 437 nadat nóg 246 sterftes aangemeld is.
Minstens 2 238 388 mense het al van die virus herstel.
Nog 415 mense is in die hospitaal opgeneem en word tans vir die koronavirus behandel. Daar is in dié stadium altesaam 15 710 mense weens Covid-19 in die hospitaal.
Die meeste nuwe gevalle is in die Wes-Kaap (32%) aangemeld, gevolg deur Gauteng (19%), KwaZulu-Natal (18%), Oos-Kaap (8%), Noord-Kaap (6%), Mpumalanga (7%), Vrystaat en Noordwes (4% elk) en Limpopo (3%).
Só lyk die nuwe syfers per provinsie:
Oos-Kaap: 437
Vrystaat: 215
Gauteng: 1 047
KwaZulu-Natal: 981
Limpopo: 168
Mpumalanga: 375
Noordwes: 239
Noord-Kaap: 340
Wes-Kaap: 1 773
Totaal: 5 575
Altesaam 187 855 mense is sedert die vorige verslag teen die koronavirus ingeënt.