Covid-19-statistieke: Heelwat minder nuwe gevalle

(Argieffoto: Unsplash)

Altesame 11 182 nuwe gevalle van Covid-19 is in Suid-Afrika bevestig en tot dusver het 2 206 781 mense positief vir Covid-19 getoets.

Tot dusver het 1 943 513 mense reeds herstel.

Die Nasionale Instituut vir Oordraagbare Siektes (Nios) sê in sy jongste bywerking van koronavirussyfers nog 220 nuwe Covid-19-verwante sterftes is bevestig. Dit bring die algehele sterftesyfer weens die virus op 64 509 te staan.

Altesame 35 623 toetse vir Covid-19 is sedert die vorige verslag gedoen en in hierdie stadium is 31,4% van alle toetse positief vir die virus.

Die helfte van alle nuwe gevalle is in Gauteng (50%), gevolg deur die Wes-Kaap (11%), KwaZulu-Natal en Limpopo (9% elk), Mpumalanga (8%), Noordwes (5%), die Oos-Kaap (4%), Vrystaat (2%) en die Noord-Kaap (1%).

Die Nios sê die algehele getal gevalle gister (11 192) is laer as ʼn dag tevore (16 302) én laer as die gemiddelde getal nuwe gevalle oor die voorafgaande sewe dae (18 768).

Die sewe dag bewegende gemiddelde daaglikse getal het ook afgeneem.

Maandag, te midde van geweld wat oor talle dele van veral Gauteng en KwaZulu-Natal geheers het, is 146 577 mense landwyd teen Covid-19 ingeënt.

Pres. Cyril Ramaphosa het gisteraand in ʼn toespraak oor die geweld gesê daar is ʼn gevaar dat die land se inentingsprogram in sommige gebiede ontwrig kan word, terwyl Suid-Afrika juis nou nodig het om dit uit te brei.

“Ons kan nie toelaat dat dit gebeur nie.

“Ons entstofprogram is ernstig ontwrig net toe dit momentum begin kry het. Dit gaan ʼn blywende uitwerking op ons vermoë hê om die huidige vordering in ons ekonomiese herstel te verstewig,” het die president gesê.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Anton

In KZN is dit nul want daar word nie getel nie

Elize

Niemand staan nou in rye om te toets nie. Hulle hardloop in die strate rond om te plunder.

SwartBees

Wag maar en sien, hierdie onrus gaan n super-sikloon van CVD19 versprei.

Elise Georgina Irene

Kyk maar 2 weke plus vorentoe… Die spul wat so plunder en opstandig is sonder hul maskers gaan mekaar aansteek – onthou elke 3rde na 4de mens in SA dra die variant Delta saam… En dan wil hul hospitale hê wat seker weer afgebrand sal word want hul te vol om hul op te neem! Kyk maar dink ekke.

SomeOne

gee kans tot oor so 2 weke dan sal ons sien wat die getalle is, as julle kan tel