Suid-Afrika se herstelkoers vir Covid-19 het teen Dinsdagaand op 91,2% gestaan.
Die nasionale gesondheidsdepartement sê nog 7 733 nuwe gevalle is bevestig, wat die algehele syfer op 2 391 223 te staan bring. Hiervan het 2 180 494 mense reeds herstel.
Daar is tans 140 341 aktiewe gevalle landwyd, terwyl die positiwiteitskoers nou op 21,2% staan.
Die sterftesyfer staan op 70 388 nadat nog 370 bykomende Covid-19-sterftes bevestig is.
Meer as 14,6 miljoen toetse vir Covid-19 is reeds in Suid-Afrika gedoen, waarvan meer as 36 000 sedert die vorige verslag.
Gauteng het steeds die meeste nuwe gevalle (30%). Die provinsie word gevolg deur die Wes-Kaap (20%), KwaZulu-Natal (16%), die Oos-Kaap (10%), Noordwes (7%), Limpopo (6%), Mpumalanga en die Vrystaat (5% elk), terwyl die Noord-Kaap (1%) steeds die minste gevalle het.
Die nuwe gevalle wat Dinsdag (7 773) bevestig is, is meer as die vorige dag se syfers (5 683) en laer as die gemiddelde getal nuwe gevalle oor die voorafgaande sewe dae (11 435). Die sewedaggemiddeld het ook verminder.
Nog 650 mense is in hospitale opgeneem.
- Private hospitale: 8 682
- Staatshospitale: 7 759
- Totaal: 16 441
Altesame 225 808 mense is in die voorafgaande 24 uur teen Covid-19 ingeënt. Dit bring die algehele syfer op 6 854 667 te staan.
Só lyk inentings per provinsie:
Oos-Kaap: 897 010
Vrystaat: 367 587
Gauteng: 1 659 741
KwaZulu-Natal: 1 309 822
Limpopo: 768 953
Mpumalanga: 338 195
Noordwes: 352 330
Noord-Kaap: 123 778
Wes-Kaap: 1 037 251
Die algehele en herstelsyfers kan seker nie dieselfde wees nie?
Dagsê Annie
Baie dankie vir jou boodskap. Ons vra om verskoning vir die oorsig en het die fout reggestel.
Groetnis
Christel
nms. Maroela Media
‘n Baie bemoedigende verbetering – van iemand wat deur die meul gegaan het, hartseer en dankbaar is.