(Argieffoto: Unsplash)
Suid-Afrika se herstelkoers vir Covid-19-gevalle het teen Vrydagaand tot 90,8% toegeneem.
Altesaam 3 749 nuwe gevalle is bevestig, wat die getal positiewe toetse in die land op 1 470 516 te staan bring. Tot dusver het 1 335 618 mense reeds van die virus herstel.
Dr. Zweli Mkhize, minister van gesondheid, het ook 297 nuwe Covid-19-verwante sterftes bevestig. Hiervan was 49 in die Oos-Kaap, 40 in die Vrystaat, 52 in Gauteng, 35 in KwaZulu-Natal, 68 in Limpopo, 16 in Mpumalanga, twee in die Noord-Kaap en 35 in die Wes-Kaap.
Altesaam 45 902 mense in Suid-Afrika het tot dusver weens Covid-19 gesterf.
Daar is in hierdie stadium 88 996 aktiewe gevalle van die virus. Die meeste is in KwaZulu-Natal (39 627), gevolg deur die Wes-Kaap (11 938).
Só lyk die ander provinsies se aktiewe gevalle:
Oos-Kaap: 2 710
Vrystaat: 8 567
Gauteng: 8 368
Limpopo: 2 662
Mpumalanga: 3 423
Noordwes: 8 141
Noord-Kaap: 3 560
Nikswerd “statistiek”. Uit hoeveel wat getoets is, is hierdie getalle….dis n geval van “as jy wil hê daar moet meer positief wees…toets net meer mense”.
90,8% herstelkoers, maar kerke bly toe. 50 mense toelaatbaar per geleentheid is ‘n bittere klein toegewing. Nou wonder ek maar net: wat as alle kerke van alle rasse dieselfde as die taxis doen: sê eenvoudig net “ons maak nou soos ons wil”.