Die Vrystaat (8 770), Oos-Kaap (7 535) en Wes-Kaap (5 115) het in hierdie stadium die meeste aktiewe Covid-19-gevalle, terwyl die landwye getal aktiewe gevalle teen Vrydagaand op 34 615 gestaan het.
Dr. Zweli Mkhize, minister van gesondheid, het gesê altesaam 692 177 mense uit die 746 945 wat positief vir Covid-19 getoets het, het reeds herstel. Suid-Afrika se herstelkoers staan tans op 92,7%.
Altesaam 2 213 nuwe gevalle is sedert die vorige verslag bevestig en meer as 23 000 toetse vir die virus is in dié tyd gedoen.
Nog 77 sterftes is aangemeld: 29 in die Oos-Kaap, 21 in die Vrystaat, vier in Gauteng, sewe in KwaZulu-Natal, vier in Limpopo, een in Mpumalanga en 11 in die Wes-Kaap.
Dit bring die sterftesyfer op 20 153 te staan.
Uit die sterftes wat nou aangemeld is, het 16 oor die afgelope 48 uur plaasgevind. Hiervan was 11 in die Oos-Kaap, twee in die Vrystaat, een in Gauteng en twee in KwaZulu-Natal.
Aktiewe gevalle:
Gauteng: 1 583
KwaZulu-Natal: 4 985
Wes-Kaap: 5 115
Oos-Kaap: 7 535
Vrystaat: 8 770
Noordwes: 2 027
Mpumalanga: 518
Limpopo: 454
Noord-Kaap: 3 628
Totaal: 34 615
Ek is nie verbaas oor die groei in getalle nie. Twee weke gelede is ek in Sutherland Noord-Kaap, gewees, net die werknemers van Pep Stores het maskers gedra asook die eienaar van die gastehuis, terwyl nie só vêr in Matjiesfontein almal wel maskers gedra het. Die groot vraag is: Is mense onnosel, moedswillig of het hulle nie maskers nie? In Witbank ervaar ek dat in die townships en -skole die dra van maskers nie afgedwing word nie. Ek dink die jeug en jongmense is uiters selfsugtig.