(Argieffoto)
Suid-Afrika se bevestigde getal Covid-19-gevalle staan tans op 1 548 157 en 1 422 nuwe gevalle is bevestig.
Die herstelkoers staan steeds op 95% nadat 1 474 319 mense reeds van die siekte herstel het, sê dr. Zweli Mkhize, minister van gesondheid, in sy jongste bywerking van die syfers.
Nog 58 sterftes is bevestig, wat die algehele sterftesyfer op 52 846 te staan bring. Een sterfte is in die Vrystaat bevestig, 23 in Gauteng, 23 in KwaZulu-Natal, twee in die Noord-Kaap en nege in die Wes-Kaap. Geen sterftes is in die Oos-Kaap, Limpopo, Mpumalanga of Noordwes aangemeld nie.
Die getal aktiewe gevalle bly net-net onder 21 000, met die meeste aktiewe gevalle steeds in KwaZulu-Natal.
Aktiewe gevalle:
KwaZulu-Natal: 5 519
Wes-Kaap: 5 125
Noord-Kaap: 2 585
Gauteng: 2 486
Noordwes: 2 132
Vrystaat: 1 603
Mpumalanga: 1 042
Limpopo: 313
Oos-Kaap: 187
Totaal: 20 992
Die getal gesondheidswerkers wat reeds teen die siekte ingeënt is, het teen Woensdagaand op 263 878 gestaan.
Die Noord Kaap het ‘n groot gebied maar ‘n kleiner bevolking as Gauteng maar hulle het meer aktiewe gevalle as gangsters paradise wat dit bevolk is.Is die statistieke reg.
Nee dit is nie.
In een dag verdrie dubbel die getalle, en net mooi saam met CR se nuwe reëls. Toeval??? Gemanipuleer???