Altesaam 1 569 935 mense in Suid-Afrika het nou reeds Covid-19 opgedoen nadat nog 1 569 pasiënte in die laaste siklus van 24 uur positief getoets het.
Dr. Zweli Mkhize, minister van gesondheid, het Woensdagaand in sy gebruiklike verklaring gesê nog 53 sterftes is intussen aangemeld. Dié nuwe sterftes is onderskeidelik in die Oos-Kaap (17), Vrystaat (11), Gauteng (8), KwaZulu-Natal (3), Mpumalanga (1), die Noord-Kaap (9) en die Wes-Kaap (4) aangemeld.
Dít bring die land se dodetal op 53 940 te staan.
Volgens Mkhize het 1 495 864 pasiënte in Suid-Afrika egter reeds van die koronavirus herstel, met ʼn herstelkoers van 95%.
Die land het tans 20 131 aktiewe Covid-19-gevalle.
Nog 34 091 toetse is intussen uitgevoer. Die land het nou reeds 10 413 180 toetse sedert die uitbreek van die virus gedoen. Die meeste van die toetse is in die privaatsektor uitgevoer.
Provinsie | Sterftes | Herstel | Aktiewe gevalle |
Oos-Kaap | 11 482 | 184 220 | 202 |
Vrystaat | 3 803 | 80 336 | 2 299 |
Gauteng | 10 544 | 406 992 | 2 946 |
KwaZulu-Natal | 10 344 | 320 632 | 4 974 |
Limpopo | 2 256 | 61 100 | 318 |
Mpumalanga | 1 389 | 74 924 | 983 |
Noordwes | 1 666 | 61 756 | 2 789 |
Noord-Kaap | 880 | 34 169 | 3 393 |
Wes-Kaap | 11 576 | 271 735 | 2 227 |
Totaal | 53 940 | 1 495 864 | 20 131 |
M.a.w. slegs 0,03% van die bevolking ?
Glo nie die syfers nie, eendag is daar 776 gevalle net om weer te klim tot ongeveer1500 en dan n paar dae later weer om en by die 800 nuwe gevalle , gaan stel maar ondersoek in r die afgelopedrie weke se data
Interessante opskrif. Die laaste paar maande was dit meestal baie meer as 20 000.