Suid-Afrika het nou meer as 1 149 000 bevestigde Covid-19-gevalle met 21 832 nuwe gevalle wat aangemeld is.
Dr. Zweli Mkhize, minister van gesondheid, het Woensdagaand bevestig dat 1 149 591 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 31 368 nadat nog 844 sterftes aangemeld is: 452 in die Oos-Kaap, 12 in die Vrystaat, 96 in Gauteng, 65 in KwaZulu-Natal, 11 in Limpopo, agt in Mpumalanga, 46 in Noordwes, vyf in die Noord-Kaap en 149 in die Wes-Kaap.
Die 452 sterftes wat in die Oos-Kaap gerapporteer is, is volgens Mkhize as gevolg van die aanpassing van die data van die tydperk tussen Mei en November verlede jaar. “Dit sluit in gevalle waar Covid-19-toetse gedoen is op mense wat dood is en die ontleding van kliniese rekords waar die diagnose nie tydens die afsterwe bevestig is nie.” Volgens Mkhize is sy departement in gesprek met die provinsiale owerhede om die redes vir die agterstand met verslagdoening vas te stel.
Tot dusver het 929 239 mense reeds van die virus herstel.
Suid-Afrika het tot dusver 6 898 207 toetse vir Covid-19 gedoen, 70 060 sedert die vorige verslag.
Provinsiale statistieke:
Provinsie | Gevalle | Persentasie |
Oos-Kaap | 175 941 | 15,3% |
Vrystaat | 64 409 | 5,6% |
Gauteng | 310 201 | 27% |
KwaZulu-Natal | 230 283 | 20% |
Limpopo | 30 840 | 2,7% |
Mpumalanga | 40 751 | 3,5% |
Noordwes | 43 159 | 3,8% |
Noord-Kaap | 26 353 | 2,3% |
Wes-Kaap | 227 654 | 19,8% |
Totaal | 1 149 591 | 100% |
Sterftes en persone wat herstel het:
Provinsie | Sterftes | Herstel | Aktiewe gevalle |
Oos-Kaap | 8 292 | 162 039 | 5 610 |
Vrystaat | 2 215 | 55 629 | 6 565 |
Gauteng | 5 923 | 268 551 | 35 727 |
KwaZulu-Natal | 4 870 | 148 420 | 76 993 |
Limpopo | 636 | 22 612 | 7 592 |
Mpumalanga | 664 | 34 646 | 5 441 |
Noordwes | 648 | 35 553 | 6 958 |
Noord-Kaap | 417 | 23 194 | 2 742 |
Wes-Kaap | 7 703 | 178 595 | 41 356 |
Totaal | 31 368 | 929 239 | 188 984 |