Covid-19-statistieke: Meer as 6 miljoen nou ingeënt

Meer as ses miljoen Suid-Afrikaners is reeds teen Covid-19 ingeënt. (Foto: Justin Tallis/AFP)

Suid-Afrika het nou 2 342 330 bevestigde gevalle van Covid-19 nadat nog 14 858 nuwe gevalle bevestig is.

Die Nasionale Instituut vir Oordraagbare Siektes (Nios) sê daar is in hierdie stadium 163 885 aktiewe gevalle van die virus. Altesame 2 109 820 mense het reeds van die virus herstel.

Nog 433 bykomende sterftes is bevestig wat die algehele syfer op 68 625 te staan bring.

Byna 56 000 toetse vir Covid-19 is sedert die vorige verslag gedoen en die positiwiteitskoers is 26,5%.

Nuwe gevalle in Gauteng is stadigaan besig om te taan. Nietemin is die meeste gevalle steeds in dié provinsie aangemeld. Gauteng het tans 34% van nuwe gevalle, gevolg deur die Wes-Kaap (22%), KwaZulu-Natal (11%), Limpopo en Noordwes (8% elk), Mpumalanga (6%), die Oos-Kaap (5%), Vrystaat 4% en die Noord-Kaap (3%).

Die getal nuwe gevalle (14 885) is laer as ʼn dag tevore (16 240), maar weer hoër as die gemiddelde getal nuwe gevalle oor die vorige sewe dae. Die sewe dag- gemiddeld van gevalle is ook laer.

Nog 720 nuwe pasiënte is weens Covid-19 in hospitale landwyd opgeneem.

Volgens die departement van gesondheid is 238 020 mense Donderdag teen Covid-19 ingeënt. Suid-Afrika het nou die sesmiljoenkerf verbygesteek en die jongste syfer staan op 6 085 108.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
Danie

Covid19? Ek wil vandag n beroep doen op alle Suid Afrikaners. Mense hou op met die negatiewekommentaar oor die Covid 19 en die vaccine. Ons land is al klaar so verdeeld en nou verdeel ons nog meer. Covid19 is hier, is n werklikheid en die wetenskaplikkes en medisie probeer hul bes om ons te beskerm maar nou kom daar dokters wat nonsens praat in plaas daarvan om sy mede kollegas te help om n beter vaccine te ontwerp. Nou saai hulle vrees. Praat nie eens van pastore, predikante. Herders wat mekaar uitmekaar skeur wat hulle kudde vrees injaag met al… Lees meer »

Baardman

As my somme reg is beteken dit dat slegs 0,27% van ons bevolking tans aktief covid onder lede het. Ek kan nie glo dat ons hospitale nie kapasiteit het om covid pasiente te akkommodeer nie. (boonop is nie al die aktiewe gevalle in die hospitaal nie). Daarom is dit vir my verstommend dat ons nog so erg ingeperk word.