Die dodetal weens Covid-19 in Suid-Afrika het tot amper 6 000 gestyg.
Dr. Zweli Mkhize, minister van gesondheid, het laat Woensdagaand met die aankondiging van die jongste statistieke gesê altesaam 572 nuwe sterftes is in die afgelope 24-uur-toetssiklus aangemeld.
Intussen het 394 948 mense al positief vir Covid-19 getoets. Meer as 48 000 toetse is afgehandel sedert die vorige statistieke bekend gemaak is en meer as 2,5 miljoen toetse is nou al gedoen.
Meer as 229 000 mense het reeds van die siekte herstel, ʼn koers van 58%.
Provinsiale statistiek:
Provinsie | Gevalle | Persentasie |
---|---|---|
Oos-Kaap | 67 818 | 17,2% |
Vrystaat | 12 332 | 3,1% |
Gauteng | 144 582 | 36,6% |
KwaZulu-Natal | 50 521 | 12,8% |
Limpopo | 5 712 | 1,4% |
Mpumalanga | 8 286 | 2,1% |
Noordwes | 15 073 | 3,8% |
Noord-Kaap | 2 727 | 0,7% |
Wes-Kaap | 87 847 | 22,2% |
Onbekend | 50 | 0,0% |
Totaal | 394 948 | 100% |
Sterftes en persone wat herstel het:
Provinsie | Sterftes | Herstel |
Oos-Kaap | 1 345 | 49 938 |
Vrystaat | 62 | 1 315 |
Gauteng | 1 156 | 77 397 |
KwaZulu-Natal | 477 | 18 067 |
Limpopo | 33 | 2 518 |
Mpumalanga | 52 | 3 435 |
Noordwes | 48 | 3 914 |
Noord-Kaap | 15 | 1 100 |
Wes-Kaap | 2 752 | 71 491 |
Totaal | 5 940 | 229 175 |
Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.
Ek is gladnie verbaas nie! Laai die taxis nog voller en maak sommer ń draai daar in die onderdorp. Duisende wat saamdrom en geen maskers nie. Geen sosiale afstand nie! En nou nog die rye en rye mense wat vir dae lank voor poskantore staan en wag vir R350! Die regering is besig om sy eie mense te vermoor. Ek kan nie glo dat daar op hierdie stadium toegelaat word dat daar vir dae lank so baie mense op een hoop gelok word vir daardie bedrag nie. Hulle staan ure en ure sonder maskers. Waar kom nou skielik so baie vandaan. Watch this space…. nou gaan die getalle eers spike. Mooi so ANC
Hoeveel van die 572 was in die Oos Kaap gewees. Soos in ‘n vorige berig, Oos Kaap het vir ‘n lang ruk geen sterftes aangeteken nie?
Net so……mos gelieg, en onvoorbereid……nou moet ander Provinsies hulp verleen, net ń klomp motorfiets ambulanse, wat staan….
Dit maak nie meer saak nie, die lewe van enkeles teenoor die meerderheid wat n ekonomiese ramp in die gesig staar.
Glo niks wat hulle se nie – wag nog steeds vir my dogter se utislae by Pta Wes Hospitaal wat op die 24 Junie 2020 geneem is (1 maand later en nog geen uitslae nie) SO EK GLO NIKS VAN ENIGE COVID19 WAT HULLE SE NIE.
Dit is nou belaglik……
Die vermeerdering in sterftes verbaas my nie. Dis algemene kennis dat alle sterftes deesdae Covid-19 as rede op die doodsertifikaat moet hê. Dit is sommer ook ‘n lekker “cover” as “bewys” dat daar geen plaasmoorde in SA is nie.
Wag tot die onvoorbereide Oos Kaap lostrek……..