Covid-19-statistieke: Minder as 1% toets positief

Argieffoto (Foto: Elmond Jiyane/GCIS)

Net 205 nuwe Covid-19-gevalle is Saterdag in Suid-Afrika aangemeld. Dit verteenwoordig ʼn positiwiteitskoers van net 0,8%, die laagste wat dit nóg was sedert die uitbreking van die derde vlaag in Junie vanjaar. Limpopo het geen nuwe Covid-19-gevalle aangemeld nie.

Die totale nuwe gevalle is ook minder as die 358 nuwe gevalle wat Vrydag aangeteken is. Altesaam 13 sterftes is wel aangemeld.

Volgens die departement van gesondheid se statistieke is die meeste nuwe gevalle in KwaZulu-Natal (53) en Gauteng (40) aangemeld. Mpumalanga het net ses nuwe gevalle aangemeld. Die meeste aktiewe Covid-19 gevalle is egter steeds in die Wes-Kaap (5 822), KwaZulu-Natal (3 299) en die Vrystaat (3 012). Die meeste sterftes (20 164) is ook tot dusver in die Wes-Kaap aangemeld.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
Piet

Ek het vanoggend ‘n koppie koffie gedrink voor ek gaan werk het.

Pieter

Wie doen al hierdie daaglikse toetse? Weet van niemand wat onlangs getoets is nie. Weet van ‘n persoon wat positief getoets is in sy afwesigheid.

MakersMark

Ongelukkig dryf ongeentes hoë hospitalisasie en sterftes wêreldwyd. Inentings is ontwerp om ernstige siekte, hospitalisasie en afsterwe te verhoed. Die mense in hospitale en ICU’s wereldwyd is 99% nie ingeent nie.

Pietertjie

Ek wonder wat gaan gebeur as die syfer minder as 0% is…

Papsak

Ja nee kyk ek verstaan ook nou nie meer die syfers en storie nie