Altesame 744 nuwe gevalle van Covid-19 is in Suid-Afrika aangemeld, terwyl die land voorberei op die massa-inentingsprogram teen die virus.
Dr. Zweli Mkhize, minister van gesondheid, sê die algehele syfer vir infeksies staan in hierdie stadium op 1 567 513. Altesame 1 490 876 mense het reeds van die virus herstel, ʼn koers van 95%.
Net 21 nuwe sterftes is bevestig. Hiervan was 10 in die Oos-Kaap, twee in die Vrystaat, een in Gauteng, een in KwaZulu-Natal, drie in Mpumalanga, en vier in die Wes-Kaap. Geen sterftes is in Limpopo, Noordwes of die Noord-Kaap aangemeld nie.
Dit bring die sterftesyfer op 53 757 te staan.
Aktiewe gevalle staan tans op 22 880.
Aktiewe gevalle:
Oos-Kaap: 245
Vrystaat: 2 292
Gauteng: 2 775
KwaZulu-Natal: 5 569
Limpopo: 260
Mpumalanga: 909
Noordwes: 2 530
Noord-Kaap: 3 326
Wes-Kaap: 4 974
Net meer as 18 000 toetse vir Covid-19 is sedert die vorige bywerking gedoen.
Kan die minister van gesondheid ooit verder as 95% tel.
Dit is al maande lank wat die herstel koers laer word maar ons bly op 95%
Ek wonder maar net
Wonder ook dieselfde ding
Lekker om akkurate China virus inligting te ontvang sonder die histeriese media stertjie. Dankie.
@Theresa. Ja, dit het my ook opgeval dat die herstelkoers op 95% bly. Wat ‘n klug!