Covid-19-statistieke: Net meer as 12 500 nuwe gevalle

(Foto: Unsplash)

Nog 12 513 pasiënte het in die laaste siklus van 24 uur positief getoets vir Covid-19. Heelwat minder nuwe gevalle van Covid-19 is die afgelope twee dae aangemeld vergeleke met die hoë syfers wat verlede week gekenmerk het.

Die Nasionale Instituut vir Oordraagbare Siektes (Nios) sê wel die jongste toename in gevalle verteenwoordig ʼn effense hoër positiwiteitskoers (31,6%) as dié in die vorige verslag (30,2%).

Dit beteken nagenoeg een uit elke drie Covid-19-toetse kom in dié stadium positief terug.

Nog 331 sterftes is intussen aangemeld. Dít bring die land se dodetal op 62 171 te staan terwyl minstens 2 075 409 mense in Suid-Afrika nou reeds Covid-19 opgedoen het.

Daar is tans 185 417 aktiewe gevalle van Covid-19 in Suid-Afrika en tot dusver het 1 827 821 mense van die virus herstel. Dít dui op ’n herstelkoers van 88,1%.

SektorToetse gedoen Nuwe toetse 
Privaat7 607 73656%19 45349%
Staat5 881 83444%20 10351%
Totaal13 489 570 39 556 

Gauteng is steeds verantwoordelik vir die meeste nuwe gevalle (60%) gevolg deur die Wes-Kaap (10%).

Sowat 7% van nuwe gevalle is in Limpopo aangemeld gevolg deur KwaZulu-Natal (6%). Noordwes en Mpumalanga het albei 5% van nuwe gevalle aangeteken terwyl die Oos-Kaap en Vrystaat in dié stadium onderskeidelik 3% en 2% van nuwe gevalle uitmaak. Die Noord-Kaap is verantwoordelik vir 1% van nuwe gevalle aangemeld.

ProvinsieNuwe gevalle op 5 Julie 2021Totale gevalle tot en met 5 Julie 2021
Oos-Kaap399209 861
Vrystaat295116 994
Gauteng7 543709 628
KwaZulu-Natal702360 866
Limpopo86682 785
Mpumalanga63699 664
Noordwes651101 736
Noord-Kaap16060 333
Wes-Kaap1 261333 542
Totaal12 5132 075 409

Nog 566 Covid-19-pasiënte is intussen in ’n hospitaal in Suid-Afrika opgeneem.

SektorAantal fasiliteiteOpnames tot dusverSterftes tot dusver in fasiliteiteTans opgeneem
Privaat257150 71625 3839 052
Staat402163 23938 6295 313
Totaal659313 95564 01214 365

Altesame 137 367 inentings is die afgelope 24 uur gedoen. Meer as 3,4 miljoen mense in Suid-Afrika is tot dusver teen Covid-19 ingeënt.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

32 Kommentare

jongste oudste gewildste
Renier johannes

Hoeveel kry julle vir n positiewe toets van nwo

Thom

Ek het gister die eerste werklike wetenskaplike evaluering van Ivermectien gesien ___ vir die wat belangstel ; geen voordeel is te vinde uit die gebruik daarvan nie , soos ons gewaarsku het
Iets het egter uitgekom wat NIE verwag was nie ; die gebruik van Ivermektien verhoog die kanse op asemhalingsineenstorting en gevolglike plasings op ventilators .

koos10

Gee nog so 7 dae dan kyk julle hoe KZN se getalle klim. Indien nie, dan is die regering se opinie op groot byeenkomste van mense ook onder die mat in!

Swerwer

Al hierdie gissings rondom die Covid 19 gaan my verstand te bowe. Na gelang van die landsburgers wat nie die inperking reëls gehoorsaam nie, is daar maar bittermin sterftes. Wonder maar net.