Die Nasionale Instituut vir Oordraagbare Siektes (Nios) het Vrydagaand bevestig dat 2 261 nuwe Covid-19-gevalle in Suid-Afrika aangemeld is.
Die positiwiteitskoers vir nuwe Covid-19-toetse staan nou op 6,4%.
Die meeste nuwe gevalle is in KwaZulu-Natal (21%) aangeteken, gevolg deur die Wes-Kaap (20%) en Vrystaat (13%). Die Noord-Kaap maak 12% van die aantal nuwe Covid-19-gevalle uit terwyl 11% in die Oos-Kaap, 10% in Gauteng, 5% in Noordwes, 4% in Mpumalanga en 1% in Limpopo aangeteken is.
Oos-Kaap | 259 |
Vrystaat | 290 |
Gauteng | 237 |
KwaZulu-Natal | 486 |
Limpopo | 30 |
Mpumalanga | 97 |
Noordwes | 127 |
Noord-Kaap | 279 |
Wes-Kaap | 456 |
Totaal | 2 261 |
Minstens 50 682 het tans Covid-19, waarvan 7 281 in die hospitaal behandel word.
Altesame 312 Covid-19-verwante sterftes is Vrydag aangemeld wat die algehele sterftesyfer op 86 967 te staan bring.
Minstens 2 894 342 mense in Suid-Afrika het nou al Covid-19 opgedoen waarvan 2 756 693 (95%) van die virus herstel het.
Luidens die departement van gesondheid se statistieke het minstens 16 781 838 mense al minstens een dosis entstof teen Covid-19 ontvang.
En Ramapara , kopdoek en Angelique Coetzee swyg soos die graf, mags behepte spul wil nie hul greep laat gaan nie.
Swyg.. want ons nuwe speelplek is die entstofmark wat ons ekonomie nou gaan moet groei maar skynbaar eers ná Kerksfees wanneer die pes feitlik gewyk het. Woede kook oor by die minister van buitelandse pledging oordat die resepte nie via die Kaapse seeroete na die Ooste wil reis nie. Intellektuele eiendom is mos nie wittes se human rights alleen nie. BLM is wel absoluut.