Covid-19-statistieke: Nóg 95 sterftes

(Foto: Unsplash)

Nog 95 Covid-19-sterftes, die meeste daarvan in Gauteng, is bevestig.

Dr. Zweli Mkhize, minister van gesondheid, het Donderdagaand in die daaglikse bywerking van syfers gesê 38 sterftes is in Gauteng, 12 in die Oos-Kaap, 16 in KwaZulu-Natal en 29 in die Wes-Kaap bevestig.

Dit bring die dodetal weens die voortslepende pandemie op 2 844 te staan. Die sterftekoers is in hierdie stadium steeds 1,7%.

Altesaam 168 061 mense het reeds positief vir die virussiekte getoets, ʼn styging van 8 728 nuwe gevalle sedert die getalle ʼn dag gelede bekend gemaak is. Net minder as 4 000 van die nuwe gevalle is in Gauteng, waar die infeksiekoers die afgelope paar dae beduidend begin styg het.

Maroela Media het vroeër berig Gauteng gaan moontlik daarna kyk om weer ingrypende maatreëls, soos in die geval van vlak 4- en vlak 5-regulasies van die afsonderingstydperk, in die provinsie in te stel. Die provinsie het in dié stadium die meeste aktiewe gevalle.

Mkhize het gesê tot dusver het 81 999 mense landwyd van die siekte herstel, ʼn koers van net minder as 49%.

ProvinsieSterftesPasiënte wat herstel
Oos-Kaap45115 843
Vrystaat9386
Gauteng28212 957
KwaZulu-Natal1524 111
Limpopo10570
Mpumalanga7520
Noordwes7865
Noord-Kaap1232
Wes-Kaap1 92546 515
Totaal2 84481 999

Altesaam 1 706 127 toetse is tot dusver gedoen, 39 188 daarvan die afgelope dag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Baardman

Ten spyte van die skerp styging in gevalle, is die sterftesyfer laer, wat my weereens laat wonder of dit n pandemie of histerie is

Stofdonkie

Hier is ‘n oplossing, toets minder mense dan sal daar minder positiewe gevalle wees. Ek is seker dlamini sal dink dis ‘n uitstekende idee.

Charles

Ek het net so vragie of 2. Is dit net ek wat optel dat die syfers eweskielik die hoogtes ingeskiet het nadat daardie baie koue weer deur die land getrek het, so asof dit die virus van die Weskaap af opgevat het Gauteng toe ? Dra die koue nou die virus ? Met al die skielike positiewe, is dit nog agterstallige uitslae wat inkom of is dit nuwes wat getoets is en hoe akkuraat is die uitslae as jy 40 000 toetse per dag doen ?