‘n Covid-19-pasiënt in die Tembisa-hospitaal. (Foto: Guillem Sartorio/AFP)
Nog 1 548 nuwe gevalle van Covid-19 in Suid-Afrika is bevestig, nadat dié syfer ʼn dag tevore op 1 129 gestaan het.
Dr. Zweli Mkhize, minister van gesondheid, sê die algehele infeksiesyfer staan tans op 1 599 272. Tot dusver het 1 519 258 mense van die virus herstel, ʼn koers van 95%.
Altesame 71 nuwe sterftes is aangemeld wat die totaal op 54 896 te staan bring. Van die bykomende sterftes wat bevestig is, was drie in die Oos-Kaap, 23 in die Vrystaat, 16 in Gauteng, vyf in KwaZulu-Natal, 16 in die Noord-Kaap en agt in die Wes-Kaap. Geen sterftes is in Limpopo, Mpumalanga of Noordwes aangemeld nie.
Net meer as 26 000 Covid-19-toetse is sedert ʼn dag tevore gedoen.
Daar is nou meer as 25 000 aktiewe gevalle landwyd. Die meeste hiervan is in KwaZulu-Natal.
| Provinsie | Sterftes | Reeds herstel | Aktiewe gevalle |
| Oos-Kaap | 11 606 | 184 501 | 225 |
| Vrystaat | 3 973 | 83 952 | 4 476 |
| Gauteng | 10 791 | 413 621 | 4 881 |
| KwaZulu-Natal | 10 433 | 321 574 | 5 492 |
| Limpopo | 2 336 | 61 545 | 350 |
| Mpumalanga | 1 408 | 76 925 | 883 |
| Noordwes | 1 758 | 64 398 | 3 319 |
| Noord-Kaap | 954 | 37 142 | 4 339 |
| Wes-Kaap | 11 673 | 275 600 | 1 153 |
| Totaal | 54 896 | 1 519 258 | 25 118 |
Teen Dinsdagmiddag is 414 372 gesondheidswerkers teen Covid-19 ingeënt.
26 000+ Covid-toetse in een dag? Waar word die blitsige toetse gedoen en waar word duisende mense getoets? Daar moet baie labs wees. Vertel ons meer. Veral oor wie so hard werk… dag na dag. Maar dan val die spulletjie plat en word entstof drupsgewys toegedien. Hoekom word geen inligting oor ander siektes en die wisselwerking met ander siektes aangedui nie. Sterf mense nog aan vigs, tering of hartaanvalle/beroerte? Iewers is ‘n erge lugleegte of die opvangs nul.
Covid is die wêreld se nuutste “fad”. n Fad wat 99.96% van die wêreld se bevolking laat oorleef. (3.3 miljoen sterftes uit n totale bevolking van 7.8 miljard.)
As al 7.8 bn mense so domastrant was soos die aanmerking en almal die voorkomings maatreëls verontagsaam het, en as dit nie vir van die wêreld se grootste nasies was wat al goed bevorder het met inentings nie, was die syfer baie hoër. Gelukkig het die meerderheid logika. En soos gewoonlik die paar agterosse wat sukkel met basiese konsepte.
As jy of enige ander persoon graag aan bv Covid wil sterf is dit jou voorreg __ die probleem met hierdie goggatjie is dat dit HOOGS aansteeklik is .
Annie, jy kan ander inligting kry oor siektes en sterwes op SA Statistiek se webtuiste. Soos met Covid statistiek, is al hierdie statistieke ook geverifieer deur Price Waterhouse Cooper, so jy hoof dit nie te betwyfel nie.
Teen hierdie tyd moes ons al 2 miljoen mense ingeênt het. Sal baie vinniger moet inent voor kudde immuniteit bereik gaan word.
Ja kompasse, of toelaat dat die wat nie kwesbaar is net self natuurlik immuun opbou, soos die kinders, dan was dit lankal oor.
1548 Nuwe gevalle, aktiewe gevalle is 431 minder as gister dit beteken dat sonder die sterftes 1908 mense herstel het. So ons beweeg in die regte rigting
Ek woon in Paraguay, en by ons het dit gelyk asof covid iets van die verlede was. So tussen 10 en 15 mense het per dag gesterf, en nuwe gevalle was heelwat minder as die wie gesond geword het. Toe kom die sogenaamde derde golf. Nou het ons meer as 2000 nuwe gevalle per dag, en tot meer as 100 sterftes per dag. As in aggeneem word dat Paraguay slegs 7 miljoen inwoners het teenoor Suid Afrika se ongeveer 60 miljoen kan mens sien hoe erg die derde vlaag hier is. Bid maar dat dit nie in Suid Afrika ook gebeur nie.
Dit maak nie saak of jy glo dis die “new world order” of die tokkelossie wat die siekte veroorsaak nie. Die siekte is werklik, en baie erg. Was dit nie vir al die stappe wat geneem is om die verspreiding te beperk, en die mediese wetenskap kans te gee om by te kom nie, sou daar nou al baie meer gesterf het.