(Foto ter illustrasie: pixabay)
Die Nasionale Instituut vir Oordraagbare Siektes het Dinsdag bevestig dat die positiwiteitskoers vir nuwe Covid-19-toetse nou op 8,4% staan.
Meer nuwe gevalle (3 699) is wel as ʼn dag tevore (2 640) aangemeld.
Die meeste nuwe gevalle is in KwaZulu-Natal (25%) aangeteken, gevolg deur die Oos- (18%) en Wes-Kaap (17%). Die Vrystaat maak 14% van die aantal nuwe Covid-19-gevalle uit terwyl 9% in Gauteng, 8% in die Noord-Kaap, 5% in Noordwes, 4% in Mpumalanga en 1% in Limpopo aangeteken is.
| Oos-Kaap | 663 |
| Vrystaat | 508 |
| Gauteng | 331 |
| KwaZulu-Natal | 932 |
| Limpopo | 48 |
| Mpumalanga | 134 |
| Noordwes | 169 |
| Noord-Kaap | 281 |
| Wes-Kaap | 633 |
| Totaal | 3 699 |
Minstens 90 540 het tans Covid-19, van wie 9 947 in die hospitaal behandel word.
Altesame 300 Covid-19-verwante sterftes is Dinsdag aangemeld wat die algehele sterftesyfer op 85 302 te staan bring.
Minstens 2 864 534 mense in Suid-Afrika het nou al Covid-19 opgedoen, van wie 2 688 692 van die virus herstel het.
Luidens die departement van gesondheid se statistieke het minstens 15 188 787 mense al minstens een dosis entstof teen Covid-19 ontvang.
