Argieffoto bloot ter illustrasie. (Foto: Unsplash)
Altesame 1 954 nuwe gevalle van die koronavirus is in Suid-Afrika geïdentifiseer. Dié gevalle verteenwoordig ’n positiwiteitskoers van 19,3%. Dié koers het met byna 3% gestyg sedert die Nasionale Instituut vir Oordraagbare Siektes (Nios) se vorige verslag (16,7%).
Volgens Nios is 3 764 865 bevestigde Covid-19-gevalle nou reeds sedert die uitbreking van Covid-19 twee jaar gelede in Suid-Afrika aangemeld.
Die sterftesyfer weens Covid-19 het intussen op 100 333 te staan gekom nadat nog 30 sterftes aangemeld is, waarvan slegs twee in die afgelope 24 tot 48 uur plaasgevind het. Die departement van gesondheid het gesê weens ’n voortgesette oudit kan daar ’n agterstand wees in die aantal sterftes wat aangemeld is.
Nog 65 Covid-19-pasiënte is sedert die vorige verslag in ’n hospitaal opgeneem. Altesame 2 282 pasiënte word tans vir Covid-19 in die hospitaal behandel.
Die meeste nuwe gevalle is in Gauteng (55%) aangemeld, gevolg deur KwaZulu-Natal (23%) en die Wes-Kaap (11%).
Daar is tans 30 086 aktiewe gevalle van Covid-19 in Suid-Afrika en tot dusver het meer as 3,6 miljoen mense van die virus herstel.
Meer as 34,6 miljoen inentings is tot dusver gedoen.
| Provinsie | Nuwe gevalle op 25 April 2022 | Totale gevalle tot 25 April 2022 |
| Oos-Kaap | 36 | 347 226 |
| Vrystaat | 52 | 203 566 |
| Gauteng | 1 081 | 1 231 192 |
| KwaZulu-Natal | 446 | 670 307 |
| Limpopo | 13 | 156 284 |
| Mpumalanga | 40 | 194 368 |
| Noordwes | 35 | 193 937 |
| Noord-Kaap | 29 | 109 322 |
| Wes-Kaap | 222 | 658 663 |
| Totaal | 1 954 | 3 764 865 |
En bla bla bla.