(Argieffoto: Unsplash)
Suid-Afrika het teen Vrydagaand altesaam 3 637 673 bevestigde Covid-19-gevalle gehad en 2 862 nuwe gevalle is aangemeld. Die jongste positiwiteitskoers is 8,7%.
Nog 146 sterftes is aangeteken, waarvan agt die afgelope 24 tot 48 uur bevestig is. Dit bring die algehele sterftesyfer op 96 851 te staan.
Altesaam 3 497 041 pasiënte het in dié stadium reeds herstel. Tans is daar 43 781 aktiewe gevalle van Covid-19.
ʼn Totaal van 32 840 nuwe toetse vir Covid-19 is gedoen, waaronder 18 832 (56,1%) in die private sektor en 14 008 (43,9%) in die openbare sektor.
Die meeste nuwe gevalle is steeds in Gauteng (38%), gevolg deur die Wes-Kaap (16%), KwaZulu-Natal en Mpumalanga (11% elk), Vrystaat, Noordwes en Limpopo (6% elk) en die Oos-Kaap en Noord-Kaap (3% elk).
Nuwe gevalle per provinsie:
- Gauteng: 1 095
- Wes-Kaap: 472
- KwaZulu-Natal: 329
- Mpumalanga: 312
- Noordwes: 162
- Vrystaat: 161
- Limpopo: 159
- Noord-Kaap: 90
- Oos-Kaap: 82
Die departement van gesondheid het aangedui dat altesaam 30 537 877 inentings teen Vrydagaand gedoen is.
