Covid-19-statistieke: Positiwiteitskoers weer op

(Argieffoto: Luca Sola/AFP)

Nog 1 275 nuwe Covid-19-gevalle is in Suid-Afrika aangemeld.

Die Nasionale Instituut vir Oordraagbare Siektes (Nios) sê in sy jongste verslag die jongste toename in gevalle verteenwoordig ʼn positiwiteitskoers van 3,6% nadat dié koers die vorige dag op 2,1% gestaan het.

Nog 22 pasiënte het intussen weens Covid-19 gesterf.

Die land se dodetal staan nou op 89 657 met minstens 2 950 035 mense in Suid-Afrika wat reeds die virus opgedoen het.

Maroela Media het vroeër berig die uitslae van vinnige antigeentoetse sal voortaan by die Covid-19-statistieke gevoeg word. Volgens Nios kan die toename in kumulatiewe gevalle dus toegeskryf word aan die terugwerkende toevoeging van die positiewe antigeentoetse.

Die meeste nuwe gevalle is in Gauteng (80%) aangemeld, gevolg deur die Wes-Kaap (5%). Dié provinsies word gevolg deur KwaZulu-Natal en Noordwes met 3% elk. Die Oos-Kaap, Limpopo en Mpumalanga het elkeen 2% van die nuwe gevalle aangemeld, terwyl die Noord-Kaap maar 1% aangemeld het.

Daar is tans meer as 20 000 aktiewe gevalle van Covid-19 in Suid-Afrika.

Nog 53 Covid-19-pasiënte is intussen in ʼn hospitaal in Suid-Afrika opgeneem. Altesame 2 106 mense word tans vir Covid-19 in hospitale landwyd behandel.

Meer as 25 miljoen inentings is tot dusver gedoen.

ProvinsieNuwe gevalle op 24 November 2021Algehele gevalle tot 24 November 2021
Oos-Kaap21293 068
Vrystaat17165 366
Gauteng1 018932 735
KwaZulu-Natal44517 881
Limpopo27123 201
Mpumalanga26153 445
Noordwes43153 594
Noord-Kaap1893 201
Wes-Kaap61517 544
Totaal1 2752 950 035

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Pieter

Wonder wie doen die tel werk want meeste van die slim mense het nie eers graad een nie.

Alet

Geen verassing hier nie. Ons almal het mos geweet die virus is nie aansteeklik tydens verkiesingstye nie. So dit moet nou net lank genoeg daarna begin, sodat die verkiesing ook nie die skuld kan kry nie. En siedaar, hier klim die syfers nou reg op skedule.

Charles

Die 25 miljoen inenting syfer is nie 25 miljoen mense nie, gee eerder die syfer wat wys hoeveel is ten volle gespuit en wie het een spuit gehad.

Mariaan

Sal interressant wees om te weet of daar sterftes was wat wel ingeent was? En hoeveel van opnames was ingeent….indien enige…mense laat jul inent…dis al hoe ons mekaar kan beskerm

Vonkprop

Hoe kan Gauteng meer as ‘n duisend gevalle hé en al die ander provinsies sit met dubbel getalle? Dit maak mos nie sin nie.